تجربتك في تغيير نفسك للافضل فتغيرت نظرتك لما حولك للاحسن "لايغير الله مابقوم،،،)

السلام عليكم ورحمة الله وبركاته ؛؛

دائما نسمع ب====>>لآيغير الله مابقوم حتى يغيروا مابأنفسهم!!

كثير يحاول يصلح المجتمع ويتغاضى او ناسي نفسه ؟؟

طيب ابدأ بنفسك فتسطيع تغيير المجتمع ، او واح يحاول يغير المجتمع بسبب نظرته الخاطئة للمجتمع طيب غير نفسك غير نظرتك للواقع ،،

مثلا / شخص انطوائي غير اجتماعي عنده الكثير اللي ممكن يقدر يفيد فيه مجتمعه كثير محتاجينه ومحتاجين شي عنده وماهو عندهم فيتذمر من الواقع اللي هو فيه ومن المجتمع اللي حوله ممكن يقول انانيين او تافه او اي شي من ناحية نظرته ،، طيب قد جرب يغير نفسه يصير اجتماعي لو مع اللي حولينه بالحي كيف راح تكون نظرته حتتبدل من نظرة يأس واحباط الى نظرة محبة للحياة والتعاون وراح يكون عنده شي مو عند غيره


هذا اللي دمر الكثير مفكر انو ماعنده شي نافع لنفسه واهله ودينه ، كل انسان في الحياة عنده شي لكن غيره من الاشخاص ماعندهم الشي هذا اقصد الاشياء النافعة اللي يقدر الانسان يفيد فيها احد ،،




طبعا هذي مقدمة ( لآيغير الله مابقوم حتى يغيروا مابأنفسهم )

كيف المقدمة بس:2thmup: اتقبل رايكم برحابة صدر  هههههه كاني نسيت الموضوع

المهم الموضوع ماقد انطرح عشان كذا حبيت انزله افيد نفسي وافيدكم ان شاء الله

يعني كانت عندك فكرة مو حلوة عن مجتمعك فحاولتي تغيري من نفسك بداتي من نفسك فتغير كل شي حولك مثلا نظرة للمجتمع وطلعتي انتي غلطانة او حسيتي انو اهلك ماشين بمعصية وانتي معاهم فغيرتي نفسك واقتدوا بك او صديقاتك او احد من اقاربك او اي شخص كان ،، سبحان الله تبداي من نفسك تقتدي بك وحدة ووحدة تقتدي باللي تعلمت منك الاحسن فكم وحدة راح تتغير بسببك وكم من الاجر راح تكسبي :talker:



حبدا من نفسي /

النت طبعا كنت اخذ مواضيع منقولة نسخ ولصق ويلا هههههه فقلت انا عندي اشياء غيري مو عارفة مو لاني انا اعرف هذي المعلومات غيري يعرفها فالحمدلله صرت انزل المواضيع بالاشياء اللي الناس تكون مو عارفتها وتستفيد منها بإذن الله ،،
الحمدلله صرت انبسط اكثر من اول اذا نزلت المواضيع




وبرضه موضوع ثاني اي وحدة حولينها ناس ممكن تتكلم فيها ممكن مو عاجبها شيء فيك فكنت اتحسس من هذي المواضيع وبعدين الى متى امرض نفسي واتعب قلبي عشان كلام ولا بتنكتبلي حسنة ههههه بس برضه اللي عنده كلام وكذا ومو عاجبه في الانسان شي او صفة يروح يكلم الشخص بالسر المفروض النصيحة بالسر المهم الى متى الواحد يتحسس ويشيل بقلبه والله يتعب الانسان فخلاص حبيت اني اطنش واحاول طبعا بالمختصر عاملي الناس باخلاقك وليس باخلاقهم راح تعيشي بسلام راح تحسي ان فيه ناس قلوبها نظيفة وتحب الخير وماترضى تعامل الناس بسوء اخلاق ،،، معد تشيلي هم الكلام واللي ينقال ولا تتحسسي زي اول
قال الرسول صلى الله عليه وسلم اقربكم مني مجلسا يوم القيامة.احسنكم اخلاقا ··



اخر شي حاولت اني اسيب التشقير والحمدلله قاعدين يحاولون معايه قريباتي لاني الحمدلله بدات من نفسي وشجعتهم "




ماشاء الله




صبايا لاتسيبون الموضوع بدون تجربة مافي انسان ماعنده تجربة حسنة بحياته اتركي بصمة بالموضوع لتستفيدي وتفيدي غيرك يمكن ترجعي يوم وتتشجعي باشياء تخليتي عنها وترجعي تقومي فيها من جديد

لاني والله ماحطيت الموضوع الا عشان نستفيد كلنا سوى


اللهم صل وسلم على سيدنا وحبينا محمد وعلى آله وصحبه أجمعين





سبحانك اللهم وبحمدك اشهد ان لا اله الا انت استغفرك واتوب اليك