تجربتك في متاجر زد وسله وأفكار مشاريع صغيره وبعض من تجاربي.حياكم

مرحبا بنات 
حبيت افتح موضوع عن التحاره وخصوصا للي يبي يشتغل عن بعد وماعنده فكره كيف يبدا واذا لقي تقبل منكم نفتح المجال اكبر نتكلم فيه عن الصعوبات والعيوب في المتاجر الالكترونية .

ببدا الموضوع عن تجرتبي 

......
حاولت افتح لي كم مجال في العمل عن بعد مثل مندوبه مبيعات وبالتحديد تسويق بالعموله
ولقيت فيها صعوبه منها البضاعه ماتكون حسب رغبتك وغالبا تكون صعب التسويق لها لانها غير مرغوبه العملاء بيكون كل الحمل عليك في البيع.


 .قررت ادور لي مجال يشبه له ولقيت فكره علي بابا ومايحتاج اطلب البضاعه المهم اتاكد من ثقه التاجر واعرض بضاعته علي اني وسيط والعميل هو اللي يتقدم ويطلبها مثل عمل الوسيطات.

 وبصراحه مابدات لاني انشغلت ولكن اعجبني وبااعطيكم بعض العيوب اللي شفتها.

 طبعا الشحن لازم تتاكدين من الشحن قبل تعرضين الغرض او تسويقين له لأنه بينفر العميل إذا شاف الغرض مايسوى سعره كشحن.مثلا شنطه مكياج سعرها ٥٠ والشحن ١٠٠ هذي خساره عليه .

وكذلك من عيوبها قد تضيع الشحنه او تصير تاخير لازم يكون عندك مسووليه ماتتهربين من ارضاء العميل واحترام مشاعره ومحاوله حل المشكله او تعويضه لازم يكون عندك مبلغ للطوارى والأفضل تبلغين العميل قبل طلبنا انه انتي غير متاكده من التوصيل فاذا حاب يستمر يتحمل المسؤوليه وتعوضينه فقط برد المبلغ بدون تكاليف الشحن او تحصلين علي ٢٠/٪ من عربون وقتك معه.

هذي عيوب اللي اعرفها وتحتاج خبره لمعرفة أسرار ومدى جدوى المشروع .

اما الايجابيات اشوفها معقوله :كل وسيط يقدر يحدد خدماته حسب كمايناسبه يقدر يحط شروط حسب نوعيته عمله مثل إذا كان يوفر ماركات اصليه يخصص عربون لجديه الطلب ولا يتحمل مشكله الشحن .

ومن الايجابيات يقدر يستمر صغير ولا يحتاج يشيل هم التوسع او التطوير مثلا مايحتاج يكون له موقع ويدفع حق اشتراك المواقع وخصوصا ترا فيه مشاريع صغيره سبب لها اقفل المشروع ماحسبت حساب تكاليف الموقع وتطويره .

ايضا : يقدر يكون وسيط غير مباشر مثلا يوفر بضاعه للمندوبين او دروب شوبينغ مثل علي اكسبيريس يوفر دروب شوبينغ .

بالنسبه الموضوع زد وسله ماعندي فكره كافيه عنها بس اشوف الناس مايمدحونه كخطوه كبيره وخاصه كوسيط مايصلح بدون مايراجع وضعه.

 سله مثلا عندهم محفظه بموقعهم اللي فهمته ماتقدرين تسحبينها الا إذا وصل مبلغ معين لازم تعرفين عنها .
اللي عنده تجربه ياليت يفيدنا .🧐

المقال مفتوح النقاش واللي حاب يسالني يتفضل🥰 إذا اعجبكم وتبون اتكلم عن تجربه لي طلبت من علي بابا ووصلني خلال شهر 👌.
 اشوف علي بابا حاليا أسرع من علي اكسبيريس لكن ماجربت الجمله .أي وحده عندها مشروع وتبي مساعده او تعاون تتفضل 🙏

ولعل الله يفتح لنا و لك باب ينفعنا ولاتحقرن من المعروف شيئا🤗