انا مشتركه باكثر من شركه فريد ريك ام وكولايا وجويا وفور ايفر

وكل شركه لها مميزات وسيئات عن الثانيه

لاكن فعلا الي ماعندها جرئه هي الي ما تستفيد فعلا

لاكن وربي لو عندها جرئه وتعرف ناس كثير وتشتري وتدفع تكسب كثير

الموضوع مرره يجيب الحماس ..

قررت اني اشترك بعدد من الشركات ..

فإخترت اورفليم وبعد ماكدت اجزم على الاشتراك وشاهدت كاتلوجهم ..(هذا الكلام قديييييم )

لقيت انه فيه ريال واحد من قيمة العطور تروح لدار ايتام نصارى بالسويد وطبعا هذا فيه دعم مباشر

للنصارى ..
يعني صحيح كل الشركات غير اسلامية الصناعه لكن يكون اصحابه مسلمين ..

هذي وجهة نظري والغيت فكرت اشتراكي بهذي الشركه .. ترى اللحين كاتلوجهم مافيه هذا الكلام

لأن جاهم لفت نظر من العضوات وش هالدعم للنصارى فألغو هذا الكلام من كاتلوجه

كاتو كاتبين ان ريال واحد من كل عطر يباع العطور لدار الايتام بالسويد ..وطبعا السويد نصارى .

ثم اخترت شركة افون فقالو لي انه اسرائليه ..

من ترك شيئا لله عوضه الله خير منه .


بعد كذا اخترت كولايا ..اعجبن ان صاحبته سعوديه


صراحه الشركه النسبه اللي يعطونك اياه حلوه

واذا بعتي اكثر يجيك رح حلو ..

لكن يبي له وحده له اجتماعات .. ومجتمع تخالطهم ..

واللي مو حلو عندهم انه دايم تنتهي مدة صلاحية الاغراض اللي عندهم وهم رافعين السعر ..

فإذا قربت تنتهي المده

يسوون عروض وتخفيضات ويصدرون لها كاتلوج جديد ..

منتجاتهم الارواج حلوه اسعارهم مقبوله الى غاليه نوعا ما ..

لكن عطورهم بايخه ولا عندهم عينات لو برسوم .. العطور ودك يكون لها عينات .

ولا تتوهقين مثلي ..

بعدين شفت شركت فريدرك ام

قلت اجرب حظي اقل شي الشركه له فرع بمنطقتي .. اشتركت ومنتجاتهم فيه اشياء حلوه بالنسبه لمنتجات العنايه بالبشره

لكن اسعارهم غاليه والناس مايبون اللي كذا ونسلة الارباح بايييخه .. وسخيفه وعندهم شي من التلاعب ..للأسف .

الشيئ الاخير

وهالنقطه ابي ماتفهمونن خطأ يعني ارزاق بس ليش الاحتقار والسهج للسعوديات

يعني تشوفون كولايا يسيطر عليها جنسيه عربيه

وكمان فريدريك ام جنسيه اخرى

وفيه ضغوط وتلاعب جدا مكشوف خاصة للي يعرف موظفات سعوديات يفهم هذا التلاعب اللي ماأسميه الا حقد ..

مع ذلك انا مستمره بشكر خفيف يعني اذا عندهم عروض وهدابا طلبت انا احب اجمع كاتلوجات مو لازم اشتري ..

وبالاضافه لهذا الكلام الاسبوع الماضي قرأت هذه الفتوى وهي خاصه لأصحاب الشركات مثل كولايا وماي واي وفريدريك ام واورفليم

اللي عندهم تجميع اعضاء وشبكة مندوبات .. ويظهر هذا واضح بتلاعبهم الشدبد وكسبهم لمبالغ خياليه ..

اذا لقيت رابط الفتوى راح اضعه ..هنا

اسفه على الازعاج.



...

,,..

وحب

موفقين جميعا
اختي همسات راسليني على الخاص بتفاصيل شغلك لاني ناويه اشتغل معك

امممممممممم

موضوع حماااس ..


طيب بنات عطونا ارقام افون .. اورفليم والباقي ..

ودي استفيد والله .. :)


في انتظاركم ....

انا تجربتي ما زالت في بدايتها اشتركت مندوبه عند اورفيليم من شهرين تقريبا
والربح بنسبة 30% يعني تبيعين بسعر 500 ريال ربحك منها 120 ريال

بصراحه الربح حلو بس يبيله وحده تقدر تمول وتطلع وتقابل ناس كثير علشان تبيع

واللي زي حالتي طلعاتها قليله وعلاقاتها الاجتماعية محدوده فما راح تستفيد ولذلك قررت الانسحاب

بس حبيت اوضح نقطه مهمه : بعض العضوات والمندوبات يقولون انهم يعطونك راتب شهري وهذا اللي خلاني اتحمس واشترك معهم , بس للأسف انصدمت يوم عرفت ان هالراتب عباره عن مكافأة شهريه تاخذينها وقيمتها تكون على حسب مستوى نقاطك بالعمل ( يعني يمكن تكون مبلغ ضئيل 60 ريال واحيانا 15 ريال ) واذا حصلتي نسبة 21% بالميه تاخذين مبلغ حلو وجامد , بس للأسف هالنسبه علشان توصلينها لازم تكونين متمكنه من البيع وطلبياتك ومندوباتك كثير خصوصاً ان عداد حساب النسبه يصفر كل شهر يعني تبدين من جديد كل شهر