السلام عليكم
انا كنت عملت مشاركه فى موضوع لعضوه بتسأل على تخفيض هرمون اللبن وقلت لها ان البردقوش بينزل هرمون اللبن بسرعه وبعدها فى عضوه تانيه ارسلت لى رساله على الخاص تقول لى انها تريد ان تعرف كيف كان استخدامى للبردقوش ولأنى جديده بالمنتدى لم استطع ان اراسلها فقلت اعمل موضوع عن تجربتى فى تنزيل هرمون اللبن لعلى افيد
والله من وراء القصد
اولا انا متزوجه من 11 سنه ولى طفلين والحمد لله اول زواجى لم يحدث حمل لسبب من الزوج وحاولنا كتير والحمد لله بعد اربع سنوات ربنا رزقنى وبعدها بسنه حملت بالطفل الثانى ولكن استعملت وسيله هذه المره لمده سنه وبعدها سبت الوسيله والحمد لله على كل حال لم يحدث حمل
ظليت لمده سنه مفيش حمل طبعا دورتى كانت متلخبطه جدا يعنى تغيب بالشهرين والثلاث ما تيجى وانا كنت مليت من الدكاتره فكنت ماشيه مع نفسى اخد منشطات وكنت افكر ان عندى ضعف تبويض وبعد سنه كمان حسيت باعراض حمل قلت معقوله اكون حامل طبعا دورتى متاخره على كتير بس انا اتعودت على كده منها فطنشت وبعدين لقيت الاعراض بتزيد عليا جدا وبعد شهر من تاخر الدوره جبت اختبار حمل منزلى وطلعت حامل طبعا الفرحه ما كانت سيعانا زوجى فرح جدا جدا لانه نفسه فى طفل ثالث وبفس اليوم نزل على دم طبعا انا استغربت انا بحملى ما ينزل على دم ابدا
رحنا للدكتور الي كنت بتابع حملى عنده والولاده كمان عنده عملى سونار وقالى انتى حامل فى شهر ونص بس مفيش نبض قالى بعد اسبوع نعمل سونار تانى ونشوف النبض ورحت بعد اسبوع قالى للاسف الجنين ده مش هيكمل ولازم تنظيف بكره وما تنتظرى اكتر من كده حتى لا يضرك
طبعا نفسيتى زززززفت وزوجى حزن جدا جدا وظليت ابكى لما جفونى اتنفخو كنت حزينه كأنى ليس لدى اولاد قضيت ليله ما يعلم بها الا رب العباد والحمد لله تانى يوم عملت تنظيف وبعدها الدكتور طلب من تحاليل عملتها والنتيجه سبب عدم اكتمال الحمل هرمون اللبن طبعا ما صدقت ومن هنا بدأت مشوار طويل مع هرمون اللبن اخذت اقراص كتير وكانت بتتعبنى جدا جدا لدرجه ما عدت اروح للدكتور تانى علشان ما يدينى ادويه تانى وطبعا لا الهرمون بينزل ولا الدوره انتظمت لان الدكتور قالى هرمون اللبن بيلخبط الدوره وتغيب ما تنزل وصدرى منفوخ واللبن يسيل منه والموضوع طووول جدا وبعدها قريت عن البردقوش لتنزيل هرمون اللبن وقلت اجرب ما اخسر شئ وانتظرت لما جاتنى الدوره وابتديت اخد البردقوش مره الصبح ومره باليل الى اليوم ال14 من الدوره فقط بعدها الدوره جتنى عن 30 يوم بالضبط وما بقيت احس بوجع فى صدرى ولا ينزل من صدرى لبن خااااااالص قلت لازم اعمل تحليل هرمون اللبن وعملته تانى يوم الدوره طبعا روحت للدكتور اول يوم الدوره وقالى اعملى التحليل والحمد لله النتيجه ممتازه الدكتور كان مندهش جدا وكمان عملت متابعه تبويض لقيت اربع بويضات ناضجين والدكتور قالى انتى كده تمام والحمد لله
عارفه انى طولت عليكو واااسفه جدا
ادعولى بظهر الغيب ربى يرزقنى بولدين توأم عاجلا غير اجلا
تعبت من معاناتى @taabt_mn_maaanat
عضوة جديدة
يلزم عليك تسجيل الدخول أولًا لكتابة تعليق.
شوكولاته ؟!
•
ماشاء الله تبارك الله جزاك الله خير حبيبتي الله يرزقك ماتمنيتي
الصفحة الأخيرة