تجربتى مع البنج النصفي

السلام عليكم خواااااتىً
انا ولله الحمد والده امس والحمد لله حالتى الان افضل مع المغص مستمر والم العمليه عارفينه


بالنسبه للبنج او تخدير اخترت نصفي بعد ماجلست مع دكتور التخدير وسالته واقنعنى وريحنى نفسين لان كنت
خايفه من ابره الظهر وكثير يقولون كانه كهرباء ويوجع
طمنى الدكتور وانا سبق لي ٣ قيصريات كامل
دخلت غرفه العمليات وجلسنى ع سرير العمليه وخلانى اضم المخده واحنى ظهرى
وارخى اكتافي عقم الظهر بعدها قال بعطيك ابره مسكنه صراحه حسيت فيها بس مافيه الم بعدها ابره بنج ماحسيت بالم احس شي يمشي برجولى اليسار قبل اليمين
زي التنميل رجولي بعدها نومنى وحطو ستاره بينى وبين البطن وبدو يركبو القسطره احس بالحركه بس بدون الم


عارفين لما تخلعون ضرس او حشوه تكون حاسين بيد الدكتور بالفم بس بدون الم كذا انا احس يحرك البطن ودكتور التخدير عند راسى وممرضه وقالي تبين منوم اعطيك قلت لا وجلست استغفر مادريت الا اسمع صوت شفط الماء الا صوت الطفل يصيح هنا خلاص بديت ابكى اول مره اسمعه واشوفه
مده ١٠ دقايق بعدها نص ساعه تقريبا يقفلو الجرح وينظفو الرحم ...
بعد العمليه تجيكى رجفه برد يدخلوكى الملاحظه نص ساعه ويشغلو التدفيه وبعدها يطلعونك لغرفتك تقريبا تجلسين ٦ ساعات ماتحسي برجولك والعمليه والمسكن مده١٢ ساعه بعد العمليه مافيه الم


بعدها يبدا المغص والم بس الحمدلله مع المسكنات وحبوب وتحاميل المغص يخف


خواتى والله عن نفسي فرق فرق فرق عن الكامل
الكامل اطلع تعبانه دوخه وكحه بلغم والم عمليه
هذا الحمدلله الم العمليه والمغص بس مافيه دوخه ولا كحه ولا بلغم تنفس طبيعى ،،،




دعواتكم لي بتمام الشفاء وصلاح اعيالي يارب