تجربتى مع غسالة الاطباق

السلام عليكم ورحمة الله وبركاته

كيفكم اخواتى
ان شاء الله طيبين وبخير
حبيت افيدكم عن تجربتى مع غسالة الاطباق
انا اشترتها من حوالى 3 شهور وبصراحه فى الاول حسيت نى فلوسى راحت
لانى اولا مكنتش عرفت ليها بمعنى انى مكنتش برص الاطباق كويس او الكوبايات
حتى كنت بحس انها مش بتنضف مع انى كنت بستخدم فنش مكعبات

المهم واخيرا ابتديت افهمها

اولا انا بطلت اشترى فنش لانه غالى جدا يعنى مفيش اى نوع من التوفير
ثانيا اشتريت مسحوق رخيص
وكنت قريت طريقه لاحد الاخوات انها بتضيف شوى كلور مع الغسله حوالى غطاء صغير
بمعنى ملعقة الشاى الصغيره
بشغل الغساله واخليها تملا ماء الاول وبدين اطفيها واضيف الكلور
وطبعا بكون ضايفه المسحوق فى مكانه
المواعين بتطلع بتلمع وزى الفل
حاجه كمان انا غسالتى اللى هى 45 سم
وكنت فاكره انها صغيره جدا بس العكس
لقيت فيها ميزه انا الرف العلوى اقدر اتحكم فى ارتفاعه
ولما رفعته قدرت احط الصوانى وقدر الفول براحتى
وعلى فكره هى ماركة فرش نوع مصرى
بس اكتشفت من مشاكل البنات مع اختلاف الانواع نفس الجوده تقريبا
لان حتى مع الماركات الغاليه الكل بيشكى
هذى تجربتى والله المستعان