تجربتى .................. والخلطات

بسم الله الرحمن الرحيم

انا كتبت موضوع بعنوان (عندى اقتراح ) بأن كل واحدة جربت تجربة تقولها واليكم تجربتى
اولا : عيوب شعرى 1- خفيف جدا
2 - ناشف
3 -بيهيش
4 - بيتأثر بالرطوبة بسرعة
5 - قليل
مميزاته

1 - ناعم وده مش تناقض لانه مش خشن ولا مجعد لكنه ناشف
او بينشف
2 - يعتبر طويل لانه يصل تقريبا الى اخر الظهر ولكنه بسسبب ضعف
مبحس بطوله
وكل اللى بتمناه انه يثقل ويكون صحى وده فى نظرى اهم من الطول

معلش طولت عليكم بموصفات شعرى بس عايزه اى واحدة شعرها مشابه تستفيد من تجربتى

اول تجربه كانت البصل والثوم ودى موجوده فى المنتدى بصراحة بعد مجربتها انا كنت خايفة من الريحة جدا بس الحمد لله محستش بيها مش عارفة ازاى وحسيت ان شعرى زاد نعومة ولقيت مفيش نشفان زى الاول ومحستش شعرى تساقط ولا حاجة
بالعكس كان بيقع كتيير جدا وانا بغسلة خصوصا بعد البلسم المرة دى محصلش حاجة واتفجأت بالى قالو شعرنا تساقط اكيد بيفرق فى نوعية الشعر وادى عندكم التجربة وطبيعة شعرى للى عايز يجرب وانشاء الله حكتب عن بقيت التجارب اللى جابت نتيجة حلوة معايا وياريت ياجماعة الى عنده تجربه استفادت منها تقولنا عليها فى نفس الموضوع ده بعنوان تجربتى ........... والخلطات بحيث يكون ملف لجميع الخلطات فى المنتدى وشكرا لكم

واتمنى انكم تستفيدو من هذا الاقتراح

وعلش بطلب منكم طلب انكم تدعولى ان ربنا يرزقنى بالزوج الصالح اللهم امين