تجربتي...اول مشاركه لي

السلام عليكم ورحمه الله وبركاته
كيف حالكم

انا اول مره اشارك عندكم كنت متصفحه حق هالموقع وبالاخص هذا القسم لانه يهمني وايد
واستفدت الصراحه من نصايح الاعضاء :27:

اول شي انا عمري 19 سنه طالبه وزني كان قبل شهر واسبوع 82 وطبعا اني بنت وفي هالعمر ووزني جذي مو شي فحبيت اضعف وباراده قويه شاركت في نادي رياضي عندنا في الجامعه بس الرجيم الوحيد اللي ما اطبقه بس اني مخففه اكلي بس ما احرم نفسي من اللي اشتهيه
والحينه صار وزني 77 يعني نتيجه وايد حلوه مع مشي ساعه يوميا في الليل بس تجي ايام انشغل وما امشي ..:29:
يعني خلال شهر واسبوع نزلت خمسه كيلو وان شاء الله انزيل لين 60 لانه طولي 160وانا عندي اراده قويه اني انحف
واسمعو نصيحتي انا شفت وايد رجيمات بس النتيجه بعدين تفشل لانه لو خفينا سرعه نزيد سرعه عشان جذي اللي تبغي تنحف بطريقه صحيه تسوي رياضه ساعه ونص مع مشي او حتى ساعه وحده وتخفف اكل بدون لا تحرم نفسها راح توصل لنتيجه زينه بس هذا كله يبغي قوه اراده وصبر:55:
وان شاء الله ايكم بعد خمس اشهر اقولكم اني وصلت للوزن المراد ...
وان شاء الله تستفيدون من نصيحتي لكم
اختكم
الصارخـة