تجربتي=ما تلحقين على البيت--عيال مطفشينك--زوج غيرمبالي--سبب لك توتر --ادخلي واقولك

نزلت موضوع قبل اسبوعين تقريبا عن التوتر الي اعاني منة
ومن عيالي
وانا بغرفتي لقيت كتيب صغير عن السعادة
قريت الصفحات الاخيرة بعشوائية لفت نظري موضوع الاكتئاب لأني قد( قاب قوسين او أدنى) مني
معلومة ان الاكتئاب صفة وراثية يكتسبها الابناء
معلومة ان اوروبا ماادري ايطاليا سوت دراسة للمرضى مرض نفسي
انهم جعلوهم لا ينامون بعد صلاة الفجر
فتحسنت حالتهم
واكتشفوا ان النوم الطويل يسبب الاكتئاب


بعدها عزمت على عدم النوم بعد صلاة الفجر
خلاص طفشت لازم اغير حياتي
ان الله لا يغير ما بقوم حتى يغيروا ما بأنفسهم
بعد ما يروح ولدي المدرسة اطلع من الفريزر دجاجة او لحمة للغداء عشان يذوب الثلج على راحتة واروح افتح شبابيك غرف النوم للتهوية بعدين اخذ كوب ماء للشرب تعرفون فوائد الماء والمعدة خاليةواشربة على مهلي وانا جالسة على النت عشان نفسي تنفتح شوي
مو على طول شغل بالبيت لأن النفس تمل
وما ادخل بالمواقع الي تفسد علي ديني ودنياي
انا عن نفسي بصراحة ما اطلع عن عالم حواء
لأنة فعلا هو عالم ما يخلص من الفوائد الي فية واستفدت منة كثير
اذا صار الساعة ثمان اعمل لي شاي ونواشف جبنة بيضاء مع زعتر مع زيت زيتون مع زيتون الاخضر محشي مخلل جزر ممممممممممممم احلى فطور لازم اكافئ نفسي عشان تتحمس لقومة الصباح دائما وماتمل
ارجع اسكر الشبابيك
طبعا افطر وانا اتصفح النت هدوووووووء الصباح روعة
اذا صارت الساعة عشرة الا ربع يمدي اللحمة نقعت ابدا بالطبخ
واخلص واخلي الطبخ يطبخ على مهلة ادور على اي شغلة بالبيت يبغى لها شغل
كل يوم اسوي شغلة
وفية بركة احسن من شغل الليل
يجي ولدي بعدين زوجي ونتغدى بعد مانصلي الظهر وننام نومة قيلولة ما احلاها
راح التوتر الي كنت اعاني منة بس يجيني شي بسييييييييييييييييييييييط بعد صلاة العشاء ماتحمل عيالي لكن اهون من اول كنت كل اليوم متوترة
بس على طول اعشي عيالي وانومهم ويروح التوتر لان التوتر منهم الله يصلحهم
وسلامتكم
سووا تجربتي
والله ان تدعون لي
تحركوا لاتنتظروا احد يجيب لكم الراحة في طبق من ذهب
لا غيروا حياتكم بانفسكم
ما احد ادرى باعماركم الا انتوا