تجربتي ..

بسم الله الرحمن الرحيم ..



اول شي اذكرو الله يابنات :27:






نبداء بالشي اللي يقهرني صرااااحه بيني وبينكم



انا الحمدلله خفيت من وزني كثير بس للحين ماوصلت للوزن المثالي اللي احلم فيه << يارب تعينني ادعو لي بليز




جوني كثير بنات يسالوني كيف خفيت ووشلون ووش الطريقه





وش هالاسئله السخيفه تقهرني صراحه





يعني بنات ياكلون شيبس شيبس 24 ساعه لا بعد الكبير لحالهم


وبس جالسات لاشغل ولا مشغله


ولا شكولا


واللي تمشي وتطبخ كل يوم حلى للعصر




ويبون ينحفون


.!!!





ودي اجمعهم كلهم واسالهم


كيف لكم وجه تسالون كيف الطريقه وانتم بالاساس تعرفونها


ياختي سكري يدك مو كل شي يجي تذوقينه وتاكلينه

وسطول كون زون وباسكن روبنز

ودونات


ويالله على هالحاله والله عيب





الطريقه سكري يدك مع اراده وتحركي


كذا صدقيني بيكون وزنك يخف لدرجه انتي ماتتخيلينها



بس الاراده وين بتحصلينها


انا فيه موضوع قريته هنا كل ماقريته تزداد ارادتي


مختصر الموضوع


الى متى واحنا ندور مقاسات كبيره ويجينا احباط ومانحب نروح للسوق

ونبرد كبودنا بالاكل





انا اتمنى ان كل وحده ما تاكل الا لما تجوع صدق مو تتوهم الجوع
واتمنى صراحه ان ماتاكل شي الا يكون صحي تبين تخربينها بالعربي خربيها يوم واحد بالاسبوع



واتمنى تميزون بين صوت الكمال وصوت الاكتفاء



صوت الاكتفاء يكون خافت مررره وانتي تاكلين تدرين ان هذي هي حاجتك من الاكل وبس اذا سمعتيها صددقيني بيكون الصحن فيه نصه او ربعه وتقومين من الاكل وانتي راضيه عن نفسك وتحسين بالرضا


صوت الكمال يكون تحسين فيه وهو كيف حتى وانتي خذيتي قد حاجتك لا تتحسفين لازم امسح الصحن مسح واكله كله واحط لي ثنين وثلاثه وماتقومين الا وانتي حاسه بالتخمه وكارهه نفسك



وفيه جلسه اتمنى الكل يجلسها اذا انتم ممن يجلسون على الارض وانتم تاكلون تجلسون مثل جلسه الرسول احسن جلسه


اللي وهي تنصبين احد رجليك وتجلسين على الاخرى

ولازم مع وانتي تاكلين تاكلين شوي شوي والله ثم والله ثم والله الاكل مو طاير







مدري حسيت اني دخلت المواضيع مع بعضها البعض

بس ياليت الكل يستفيد
وادعو لي احقق مناي واوصل لهدفي وما اتراجع ابد

مع حبي
بنت ورديه