تجربتي اثناء حملي ..

السلام عليكم ورحمة الله
كيفكم حبيباتي طبعا انا من محبين هذا المنتدى لسنوات طويله وكان عندي حساب قديم جدا لكن للاسف توقف ولا ادري ايش مشكلته
عزيزاتي ما اطول عليكم
اثناء حملي بالشهور الاولى كان عندي فضول اعرف جنس البيبي واخذت جهاز جندر مكير وكان فاااشل وعطاني نتيجه غلط بحثت مواضيع عنه ما حصلت كثييير فكتبت هنا لعل وحده تحتاج تسال عنه
كذالك يابنات نصيييحه تسون اشاعه تفصيليه قبل الاسبوع ٢٤ من الحمل وتكشفون عن التشوهات وان الطفل يكون سليم لاني للاسف ماسويتها وطلع في طفلي تشوهه بالاذن اليمنى فقط والله يشفيه ويسهل امره بكل شي
لا تستخدمون الحلتيت لفتح الرحم نصيحه لانها اثرت على الرئه الجنين ودخلوه العنايه الله يشفيه الدكتور يقول ان الرئه مو مكتمله بس انا كنت اخذ ابر لتسريع نمو الرئه فحساسي يقول انه من الحلتيت
نصيحه اخيره
لا يكون همكم اثناء الحمل معرفة جنسه هذا اخر شي تفكرون به اهم شي دعواتكم له انه يكون كامل الخلقه وحسن الخُلق
دعواتكم لي ان الله يفرج همي ويشفي لي ذريتي ويجعلهم صالحين معافين ♥️
الله يسهل لي ولكم كل امر
كتبت هالموضوع لعل احد يحتاجه ويذكرني بدعوه