السلام عليكم
كيفكم ؟؟
حبيت اقولكم تجربتي وقبل كذا ادعولي ان ربي يعوضني ويرزقني الذريه الصالحه
انا بكريه ولي سنه ونص متزوجه .. قبل اسبوعين حللت وطلعت حامل ومرره استانست
قلت بروح المستشفى اسوي اشاعه اتأكد من وضعه ..
رحت المستشفى وسوت لي اشاعه من عند البطن يمكن 10 دقايق ..
بعدين قالت بسويلك اشاعه مهبلية من تحت ..
بعد نص ساعه من الاشعات ..
وتعابير وجهها الي ماكانت تطمن على خيير ..
قالت لازم تراجعينا بعد اسبوع عشان اتأكد من الي في بالي ..
لانو احتمال كبير الحمل خارج الرحم .. مرره انصدمت وانقلبت وناستي ضيقة صدر
طلعت من عندها وعلى طول رحت مستشفى ثاني قلت بتأكد عشان يرتاح ضميري..
رحت المستشفى الثاني وقالت لي نفس الكلام بس هالمره حولتني على طول على قسم الطواريء
بمستشفى حكومي .. وقالت لي لازم تروحين الحيين بيسون عملية وتنضيف رحم ومدري ايش ..
انا عجزت امسسك روحي من الخوف والصدمه ..
رحت المستشفى وسولي اشعه وتحاليل ودكتورات مجتمعات عندي وحالتي حاله
قالو لازم تنويم واحتمال البويضه تنفجر ومدري ايش " كل مستشفى يزيدون علتي :404: "
رفضت بالبداية لانو كان عندي اختبارات وحاولت فيهم انو ارجع عندهم بعد الاختبارات
وقعدوا يهاوشون فيني ويقولون اذا صار لك شي مو على مسؤوليتنا " وانواع التخويف "
قلت الشكوى لله .. نمت عندهم لمدة اسبوع كامل وامس بس طلعت الحمدلله :ق203::و7:
طبعا بهالاسبوع تحاليل واشاعات ما انام زين وحالتي حاله
وسبحان الله بالاشاعات يبين برحمي كتلة دم ولايعرفون سببها .. مره يقولون نزيف ومره مايعرفون
وكل شوي يدخلون علي يقولون احتمال عملية يعني عششت برعب مو طبيعي
وكل يومين يسسون لي تحليل هرموني لان اذا نزل الهرمون يعطوني ابرة تنزل الجنين
واذا ارتفع يصير حمل طبيعي سبحان الله ..
جا شيخ وقرا علي وحسييت بمغص ببطني مو طبيعي شفت الموت بعيوني .. الشيخ طلع من هنا وانا دخلت الحمام من هنا " الله يكرمكم "
وما امداي افصح ملابسي الا الجنين طايح قدامي .. وبدا معي نزيف .. وجوا الممرضات وشالوه بعلبة
وسولي تحليل وطلعت مسقطه .. وسولي خروج بعد معاناة
والحمدلله طلعت بالسلامه .. بس دعواتكم لي بحمل سليم ببنوته حلوة او ولد ..
رنـيـم ! @rnym_43
عضوة جديدة
يلزم عليك تسجيل الدخول أولًا لكتابة تعليق.
~فـــــرس غـــلا~
•
الله يعوضك يارب
الصفحة الأخيرة