تجربتي الاولئ في اطفال انابيب لم تنجح وتعقدت بسبب اللي صار لي بسببها

السلام عليكم ....مالكم بالطويله بدخل بالموضوع على طول ...
انا متزوجه من11سنه ام يكتب الله لي الحمل ابدا .. وبعد عامين من زواجي اختي الكبيره توفت وعندها بنتين ..وزوجها توفى بعدها بحادث بثلاث اشهر ..واخذت البنات عندي لان زوجي يصير عمهم ومحرم لهم... المهم ونسيييييت نفسي ونسيت العلاجات ولافمرت اروح اتعالج لهيت بالدنيا وتربيه البنات وحياتي الزوجيه....والحين كبرو البنات وصحيت لنفسي ..والعمر راااح عمري الحين 39سنه ..قلت لازم ادبر نفسي واسوي عمليه اطفال انابيب ..وتسلفنا ودبرنا وسوبت العمليه عند بندر العبدالكريم بالحبيب الطبي ...طبعا زوجي سليم الحمد لله انا عندي تكيسات وماتنزل الدوره الابحبوب من بوم مابلغت وهذا وضعها ...المهم ... جيت الدكتور ثاني يوم دوره وشاف الاشعه وكلشي ونسيت اقولكم عندي هرمون الحليب ظاااارب فوووق ..وقال انتي جاهزه كذا ونبدا بالتنشيط ..وبدينا 😢...وانا من قبل اجيه وانا اخذ جلوكوفاج الدواء المتعب يسبب لي مغصصصص فظيييع واسهال تكرمون.. وكنت اخذ فوليك اسيد كمان قبل بشهرين...والامور تماااااام ماشيه تنشيط وحبوب وكتب لي حبوب الهرمون وحبوب بيبي اسبربن اللعينه😈.....بتعرفون ليش تقول عنها لعينه
المهم استمرينا والامور تمام تنشيط وزياره طبيب واشعه وقال خلاص جاااهزه للسحب البويضات ومن بعدها ماشفت خيررررر
تمت العمليه بسلام ولاحسيت بشي لانه بنج كااامل ..بس بعدها بدت معي اعراض متعبه جدا جدا اول شي امسااااك ...وصار عندي فرط تنشيط واستثاره بالمبيض واحتباس سوائل والله يابنات قسم بالله اني ماكنت انام ولا اكل ولا اشرب عذاااب اول شي اي لقمه انزلها احس توقف في حلقي احس معدتي تطبقت ووصلت للبلعوم ..احس اني منتفخه وماصرت احس بحسر البول ابدا ابدا يعني ما احس اني ابي اتبول او لا ما ادري ايش صار فيني من تحت ويقول الدكتور اكثري من السوائل عشان طيب كيف اكثر سوايل وانا ما اتبول الا باليوم مره وحده وحلقي ما اقدر انزل منه شي ابدا تخيلو اشرب قاروره مويه وااااحده ام نص ريال باليوم واتغصب عليها ..تخيلو ...والله يابنات كان ينزل وزني بالايام يعني اروح طوارء اليوم وزني كذا اروح بعد اربع ايام طوارء الاقي وزني نزل كيلو ونص او كيلوين تخيلو ...هذا غيرررر الاستفراغ اللي صار معي بسبب الاسبرين اللعين اللي قلت لكم بقولكم ليش لعين ...لان انا جاني زماااان ارتجاع بالمريء وجرثومة معده والاسبرين عدووو المعده يجرحها ويمخشها ..وهذا اللي صار معي ..مدري الاقيها من فرط التنشيط ولا من المعده وزاااد عليها صار عندي حساسيه من جلوكوفاج اول ما اخذه جسمي كله يقب حبوب وحساسية ولازم اروح الطوارء عشان لاتتسبب لي باختناق وبالتالي عنايه مركزه ..قد صارت لي قبل
الهم شفتو كيف كمية الام والاشياء اللي تجمعت علي ومع هذا صبرت وقلت لازم اتحمل مابقى غير ترجيع الاجنه ... ورحت له بعد 4ايام من السحب على اساس الترجيع وقال مايمدي لسه جسمك كللله مستثار وتعباااانه مره انتي نجمد الاجنه وتعالي الدوره الجايه ...الدكتور للامانه شااااطر وفاهم وشرح ..بس انا جسمي ماتقبل الادويه وضعف... وجات الدوره ورجعنا الاجنه وانا بكامل التعب وعدم الاكل وعدم الشرب وطبعا مانجحت العمليه بارادة الله..والله يعوضنا اللي خسرناه ..وللحين ماسددنا دين العمليه ..


مشكلتي الحين اني تعقدت .... ودي بطفل قبل اوصل اسن الياس
ابي احد يقولي ويشجعني ان في بديل لهالعلاجات اللي اتعبت معدتي وعدمت حالتي
هل في بديل لجو سبرين ...اتوقع هي اخف اسبرين بس هي اللي اتعبتني
وهل في بديل لجلوكفاج....
حتى لو ابر
...ادعموني نفسيا وساعدوني بالتشجيع عشان اعيد التجربه ... وان كان لكم تجربه مماثله ولقستو حل للعلاجات خبروني ...لاتقولي روحي الطبيب ويقولم في بديل او لا ....انا سالتكم لان انتم كل وحده من ديره وكل وحده لها طبيب ..اكيد العلاجات تختلف ...وصعب ادفع كشفيه 350ريال عشان اسال عن بديل علاجات ..انتم الخير والبركه ماراح تبخلون علي بمعلومات
وهذي كانت تجربتي المريره نزلت في شهرين 12كيلو