السلام عليكم ورحمه الله وبركاته
وبعد:اسأل الله العظيم رب العرش العظيم ان يرزق كل محرومه من الذريه عاجلا غير اجلا الحمل السليم المعافى اللهم آآآآآآآآآآمين
بعد رحله طويله من العلاج والتعب الجسدي والنفسي قررت اني اعمل عمليه اطفال انابيب طرحت الفكره لزوجي رفض بقوووه بحجه انه يمكن يكون اختلاط انساب والخطأ وارد في كل مكان المهم حاولت معه بكيت توسلته ودعيت ربي وبالاخير وافق مع العلم ان المشكله عندي تكيس مبايض شديد وزوجي عند ضعف بالحركه يعني المشلكله مو من جهه وحده يعني الافضل لحالتي على كلام الدكاتره عمليه اطفال الانابيب
وبعدها ذهبت انا وزوجي ثاني يوم الدوره لمستشفى سليمان الحبيب عند الدكتور توفيق جعفروبديت بالمنشطات ابرتين باليوم ابره تحت الجلد الدكتابيل وابره بالعضل منجون
لمده عشر ايام تقريبا
وبعدها سويت اشعه مهبليه قال الدكتور خلاص بعطيك ابره التفجيربس عندك تضخم بالمبيضين بسبب الابر وصار عندي فرط استجابه:44: حزنت لحظتها وبكيت بغرفه الانتظار ودعيت الله انه يسرلي علاجي خفت مررره من ابره التفجير وترددت اني اضربها ورحت صليت ركعتين استخاره واتكلت على الله وضربتها
الساعه الواحه ليلا رجعت للبيت خايفه وصليت ركعتين بسوره الصافات والحشرودعيت ربي بالسجود ولما سلمت قريت سوره البقره وارتحت ونمت
في الليله اللي بكره راح يكون السحب ماقدرت انام الين اذن الفجر صليت وقريت الاذكار ونمت وصحيت الساعه ثمانيه الصباح استحميت ولبست اوسع بجامه عندي علشان بعد السحب ما تضغط على بطني ورحت للمستشفى انا وزوجي
وصلنا الساعه التاسعه والربع صباحا دخلناعلى المنسقات وقعنا الاوراق انا وزوجي ودفعنا مبلغ سحب البويضات وكان 6500
ومبلغ التخدير الكامل 500 والتخدير الكامل علشان تضخم المبايض ونزلنا للدور الاول
وبعدها دخلوني غرفه علشان ابدل ملابسي والبس لبس العمليات ودخلت دوره المياه وضيت علشان اكون على طهاره وقت سحب البويضات ولبست لبس العمليات وقريت سوره البقره وجاني شعور غريب خوف ورهبه مع فرحه و ماأدري سر فرحتي يمكن علشان حسيت ان هالعمليه تقربني اكثر لحلم الامومه ويمكن تكون سبب ان يكون لي ولد او بنت يقولون لي ياماما واضمهم لصدري >> والله العبره خانقتني :44:
دخلت غرفه العمليات ياه صعبه مره شكل الغرفه يخوف موت
بس قلت يلا لعيون عيالي كل شي يهون
استحيت مررررره لما رفعوا رجولي والضو مسلط على المكان علشان التنظيف والممرضه عند رجولي لدرجه اني حطيت يديني على وجهي وادعي يارب يخدروني قبل لايجي الدكتور اول مره اتعرض للموقف هذا بس احسه اصعب شي انواع الاحراج
الحمدلله خدروني قبل لايجي الكتور السحب كان الساعه 12 الضهر والساعه 12 ونصف صحوني لما صحيت خلاص بموت من الالم صياح الم موطبيعي اخذوني عطوني ماء وعصير تفاح ورجعوني لنفس الغرفه اللي بدلت فيها ملابسي بس كنت ابكي بكاء من شده الالم جاء زوجي والدكتور قال الحمدلله سحبنا منك بويضات ثمانيه حجمها كويس بس الباقي كله صغير بس سحبناه علشان يخف التضخم والالم اللي تحسين فيه طبيعي علشان التضخم
وقعدت بالغرفه تقريبا ساعتين ماني قادره اوقف من الالم ونزل معي دم من العمليه ودخت واستفرغت من الالم وطحت على زوجي بالارض من الدوخه والتعب المهم رجعت البيت بنفس اليوم بعربيه ما اقدر امشي
بس باقي شي مهم اقلقني واتعبني هل تتلقح البويضات ولا تعب على الفاضي واستمريت على الدعاء والاستغفار
اتصلت على امي نور عيني
انا: الو يمه
امي: هلا والله
انا: شخبارك وش اخبار ابوي
امي: تمام انتي كيفك وليش ماجيتي اليوم
انا: نمت
امي: بس صوتك فيه شي
:انا : لا مافيه شي بس توني صاحيه من النوم
امي : والله ان فيك شي اعرفك وين زوجك عطيني اكلمه
انا: سويت عمليه انابيب
امي انصدمت : ليش بدري عليه وانتي مافيك شي ليش تستعجلين
انا:لابدري ولا حاجه بس تجربه يمكن الله يكتبلي بها خير
امي: مع السلامه انا الحين جايه
انا : انتظرك
حنين الشووق @hnyn_alshook
عضوة جديدة
يلزم عليك تسجيل الدخول أولًا لكتابة تعليق.
kid_admirer
•
الله لا يضيعلكن تعب يا اختي ويجبر بخاطركن ويرزقكن توم صالحين يعوض فيهن صبركن يااااااااااااااااااااااارب
agwan122
•
ياقلبي عليك آآآآآآآآآآآآآآآة آآآآآآآآآآآآآآآآآآآآآآآآآآة
الله يرزقك ربي بتوام ولايضيع ربي صبرك وتحملك لكل ها الم
الله يسهل امرك ولا يضيع ربي تعبك والله اني بكيت يوم تقولي اتصلت علي امــــــــــــــــي ياقلبي علي امهاتنا
سبحان الله دايم تحس في بنتها صادقة والله حتي من الصوت تعرف وش فيك مهما تهربتي من الاجابة الا انها تعرف وتحس
الله لايحرمنا امهتنا ويرزقنا ونجرب الامومة الا لسة ربنا ما اراد و نجربها
الله يرزقك ربي بتوام ولايضيع ربي صبرك وتحملك لكل ها الم
الله يسهل امرك ولا يضيع ربي تعبك والله اني بكيت يوم تقولي اتصلت علي امــــــــــــــــي ياقلبي علي امهاتنا
سبحان الله دايم تحس في بنتها صادقة والله حتي من الصوت تعرف وش فيك مهما تهربتي من الاجابة الا انها تعرف وتحس
الله لايحرمنا امهتنا ويرزقنا ونجرب الامومة الا لسة ربنا ما اراد و نجربها
الصفحة الأخيرة