تجربتي الاولى مع الطين المغربي والليفه المغربيه

سلاام عليكم
بناات انا في شي سويته وماني مصدقه اللي قاعده اشوفه
انا قبل جم يوم نزلت موضوع كتبت فيه سؤال عن الطمي المغربي والليفه المغربيه لاني ما كنت استخدمتهم ويبتهم لاول مره بناءا على كلام رفيجتي
المهم انه يوم الجمعه سويت كالآتي:
1- ترست البانيو ماي حااار و انترس الحمام بخار وقعدت في الماي عشر دقايق
2-طلعت من الماي حطيت سكرب الابريكوت وفركت الجسم كله بايديني لمده عشر دقايق
3- شلت السكرب من جسمي بالماي الحار واستخدمت صابونة لوكس الي بدون كيماويات لونها اخضر عشان ما يكون جسمي دهني ابد
4- قعدت افرك بالليفه المغربيه كل مكان خاصة الركب والاكواع وتحت الاباط والمنطقه الحساسه عدل مدل عشر دقايق
5-حطيت ماي حار على جسمي كله وبعدين حطيت الطين المغربي على جسمي كله مع فرك خفيف وخليته عشر دقايق
6- شلت الطمي بالماي عادي وتسبحت بماي بارد وطلعت

النتيجه من يوم طلعت من الحمام للحين:
1- بشرتي ناااعمه خاصة الوجه
2-المنطقه الحساسه (هذا الي يهمني) صار لونها افتح وماني مصدقه للحين انه من اول مره تفتح جذي طبعا ما صارت لمبه لكن فيه نسبة تفتيح بسيطه انا قلت يمكن لانه توني متسبحه ومسويه شي يديد لكن اشوف انه لليوم واللون ما تغير عشان جذي تشجعت اني اكتب الموضوع
3- بالنسبه للركب ما شفت تغير صراحه.. بس الاكواع صارت ناااااعمه وفتحت شووووويه مو مثل المنطقه الحساسه
4-الجذور اللي فيها شعر بالسيقان واليدين طلعت بنسبة 80 %
وان شاء الله راح استمر عليه كل اسبوع مره ورفيجتي قالتلي ان طريقتها انها تحط الطين المغربي على الجسم وتقعد فيه عشر دقايق وتفرك بالليفه عليه بعدين وتصول انه صفالها الجسم وايد وهي صارلها شهر عليه لكن ال منطقه عندها ما فتحت اعتقد لانها دايم تشيل بالموس
وانا عن نفسي راح اشتري الصابون المغربي بعد واحطه مع ليمون بدال السكرب لانه يمدحونه وايد
حبيت افيدكم وراح اقوللكم على النتايج اسبوع ورا اسبوع وبكل امانه عشان مابي اي وحده تشويه وتقول انه ما أثر فيها بس من وناستي بالتجربه كتبتها واتمنى انها تحل مشاكل المناطق السوده والسعر الي تحت الجذور بصفه نهااائيه يا رب