تجربتي البسيطة مع الحلبة 😌

بسم الله الرحمن الرحيم
طبعا بدخل بالموضوع على طول
بصراحه قريت كثيييير عن الحلبة و فوايدها و الاشياء الحلوة اللي تسويها 😍
فقررت اجربها خصوصا اني شفت ناس ماشاء الله جابت نتايج حلوه معاهم
والله وسييييدا عالعطار💃
اخذت منه حلبه قصيمية حب
و سنوت حب عاد مدري كذا صح اسمه المهم انه سنوت أخضر
المهم ^
جربتها بطريقتين :
الطريقة الاولى🍃
والله اخذت ملعقه من الحلبة و السنوت (حب) و احطهم بكاسة و اضيف عليهم موية مغلية
وخليته لين ما يدفى و شربته
اخذت معاه حبه حلاوه عشان استسيغه و اقدر اشربه ..
و كمان شربتها مع كاسة حليب
أضفت حليب بودرة و هيل وحلبة و سكر ز شربته مع الفطور
و جربتها كمان مع النعناع نفس الطريقة فوق بس بدال السنوت نعناع و احليها بشوي سكر
حلوه والله للي فيهم صبر
بس انا بديت اطفش
<مسرعك طفشتي
الطريقة الثانية : 🍃


قلت اجرب اكلها زي ماهي مع ملقعة عسل والله فعلا اخذ ملعقة حلبة حب و ملعقة عسل و ابلعهم و بعدها اشرب شوي مويه يمكن 4 ايام اخذتهم بهالطريقة قبل النووووووووم ، لانه قريت انه افضل شي والله اعلم ملاحظاتي بهالاسبوع : طبعا الطريقة الاولى لاحظت اني اشم ريحة الحلبة بجسمي خصوصا لمن اشتغل ، يعني حتى لو تروشتي و تنظفتي و تعطرتي اذا عرقتي مرررره بتشمينها فيك .. يمكن غيرك ما يشمها بس انتي بتشمينها بجسمك اما بالطريقة الثانية العكس تماما ماشاء الله كافي ريحة أبدا والله العظيم يمكن بس ريحة بسيطة بالبول (اكرمكم الله ) بس بجسمي ابدا مافي ريحة الحين الاسبوع خذا وقفتها و لاحظت طلعت لي بطن 😢😢😢 وهذا الشي سلبي اما الشي الايجابي بالموضوع انه فعلا بديت احس بوجهي رويان شوي و خدودي صارت بارزه نتفه صغيره حتى يوم اصحى من النوم وجهي و شفايفي كاني نافختهم (بالضبط مثل وانا حامل بالشهر التاسع ) افكر الحين اني اخذها اسبوع و اوقفها اسبوع لاني خايفه من بطني لا يكبر زياده وانا ما ابغى كذا 😢 اللي عندها تجربة تذكرها عشان نستفيد سوا و هالله هالله بالردود لكم ودي 💜💜>