كيفكم بنات ؟؟ انا اليوم جبت لكم خلطه طبيعيه انا مجربتها شخصيا ويشهد الله اني
استفدت منها وشفت نتايج خياليه ،، ماشاء الله تبارك الله كثافه والتساقط وقف
نهائي،والطول ،انا جربتها قبل سنتين تقريبا واستمريت عليها حوالي ثمان
او تسع شهور وبعدين وقفتها لاني نويت اصبغ شعري،، يعني اهم شي
الاستمراااااار والعزيمه ،
الخلطه هي /
تعجني حنه بمويا عادي وبعدين تحطيها على النار وتخليها تسخن شوي
وتصبين عليها زيت زيتون
صبي على حسب كثافة وطول شعرك وحركيها بعدين طفي النار
الخطوه الثانيه /مهمه
اغسلي شعرك عشان تتفتح المسامات
وحطي الحناء الدافيه على شعرك المبلل
وافركي افركي الفروه زين ، وبعدها غطيه مو ضروري الغطاء وخليه
ساعتين واغسليه .
وزي ماقلت الاستمراااار اهم شي ويارب انها تناسبكم لان الشي اذا ناسبك
مو شرط يناسب غيرك الشعور تختلف وانا شعري جاف ويشهد الله اني
ما ابالغ ماشاء الله تبارك الله كنت اشتري بكلات خاااصه لشعري لانها تتقطع
من كثافته ماشاء الله وكان الكل يسألني وش تسوين لشعرك؟ولاتفكينه
انتبهي،بس انا اقول (الله خير حافظا وهو ارحم الراحمين) وحبيت افيدكم زي
ما استفدت انا منكم ومابي منكم الا دعوه خالصه ان الله يتمم حملي ويسهل
ولادتي ويرزقني الذريه الصالحه ويحفظ لي بناتي حياتي.
الحين شعري الله يرحمه مع الحمل تساقط فظيع واهملته لاني ناويه اصبغ بعد الولاده .
والسلام ختام تصبحون على خير
مشكورة حبيبتي اسويها كم مرة في الشهر ؟