تجربتي الخاصه في مستحضرات نفخ الشفايف ..

السلام عليكم ورحمة الله وبركاته ..

موضوعي اليوم عن المستحضرات اللي تنفخ الشفايف،، طبعاً انا صادفت وايد من البنات برع المنتدى وداخل المنتدى يبون ينفخون شفايفهم او بالمعنى الاصح انهم يبون يبرزون شفايفهم كتغيير فاللوك يعني المستحضرات هذي تعطي شفايفج مظهر ممتلئ ومفعولها مؤقت ويروووح لاتغيير فالخلقه ولا غيره الله يبعدنا عن هالسوالف.

طبعاً انا جربت كذا نوع وكل نوع مفعوله يختلف عن النوع الثاني عشان جذي حطيتلكم صور المستحضرات اللي استخدمتها مع الشرح ..


نبتدي .. بسم الله الرحمن الرحيم ..

اول مستحضر جربته اسمه Big Lip هذا المستحضر يشبه الفازلين في قوامه، ريحته نفس ريحة الفكس على حلاوة النعناع اول ماتحطينه على شفايفج تحسين بوخز بسيط في الشفتين ويبتون يحمرون وينطون على فوق امسحي المستحضر وحطي الروج اللي تبغينه، مفعوله من ساعتين لثلاث ساعات ولازم تسوين عليه update بعد ثلاث ساعات يعني مثلاً إذا كنتي في عرس وحسيته انه شفايفج بدى حجمهم يقل ادهني شوي من المستحضر على شفايفج من داخل ولاتخافين تراها ماده مب سامه.

هذي صورته علبته من برع بنفسجيه وهذي الغرشه من داخل:




المستحضر الثاني:
اسمه Lip Explosion المستحضر هذا عباره عن جلوس شفاف ريحته تشبه ريحت حلاوه النعناع مفعوله بسيط عند اللي شفايفهم متوسطه بس قوي عند اللي شفايفهم وايد صغيره اول ما ينحط على الشفايف تتغير لون الشفايف للون الاحمر وتبتدي فالانتفاخ عيوبه انه مفعوله مال ساعه وساعتين ولازم نسويله update ونحطه فوق الروج كل ماحسينا انه الشفايف بدى حجمها يقل.

صورة الجلوس وعلبته سوده وعليها صورة شفايف:



المستحضر الرابع:
ماسك اسمه Lip Injection هالماسك قوامه طيني ريحته ريحت توت على نعناع ينحط على الشفايف بس اول ماينحط تحسين بوخز قوي نوعا ما فالشفايف، طبعاً ينحط لين ينشف وعقب تيبين كلينكس امبلل وتمسحين المستحضر تشوفين شفايفج مليانه وحجمها اكبر بوضوح في منهم يحطون عقبه لجلوس الخاص فيه من نفس ماركته بس انا للامانه ما جربت لجلوس ماله لاني سمعت انه الجلوس مب لين هناك. لكن عندي طريقه له تخلي شفايفج وكأنج ظاربه ابر في شفايفج.

الطريقه هي: اني احط الماسك لين ينشف وعقب امسح الماسك بكلينكس امبلل وعقب احط جلوس من ماركة Modelco هالجلوس شفاف بس في منه ألوان هالجلوس يحرق بتحين بوخز قوي جداً بس تروومين تتحملينه ريحته شرات ريحت القرنفل وينفخ لدرجه انه شفايفج تبين للكل انها حمره ومنفوخه طبعاً مفعوله يطول بس إذا ماتبين حجم شفايفج يقل سوي عليه Update بحطلكم الصور:

صورة الماسك:



صورة جلوس Modelco:




ادري في من البنات بيقوولوون ان هالمستحضرات ضاره لكن والله العظيم انا مجربتنهم على عمري ومن ثلاث سنين وماصارلي شي الحمدلله ...


تقبلوا تحياتي ..

غرشوبة زعبيل ..