السلام عليكم
الله يرزقنا جيعا بالذريه الصالحه السليمه ....
بنات انا سمعت كثير عن الميراميه وتنشيطها للمبايض وترددت كثير كثير في استخدامها والاهم من هذا انو كل جسم يختلف ومقدار تاثرها بالميراميه وسمعت وقرات كثير من التناقضات اللي خلتني متردده مرررره في استخدامها غير التناقض في فتره استخدامها قبل او بعد الدوره ..خاصه اني متاخره بالحمل وحملي الاول كان بمنشطات
قبل رمضان استخدمت المنشطات وحملت بس ربي قدر وماكمل الله يعوضني خير وسقطت في 11 _8 ويالله ما اصعبها من فتره مره في حياتي والحمد لله طبعا تمنيت اني احمل على طول بدون اي منشطات واي علاجات وبسبب السفر قلت راح اخلي رمضان فتره راحه واللي يكتبه الله هو الخير وتوكلت على الله الواحد الاحد واستخدمت الميراميه اليوم الثاني من الدوره المهم وشربتها تقريبا عشرين يوم وكاس واحد فقط في اليوم وطبعا انا دورتي في رمضان تتلخبط بشكل مو طبيعي غير انو كان يحصل لي تنقيط دم لدرجه انو طفشت بشكل ماتتصوروا مرات اكون كويسه ومرات ينزل مني دم ..المهم اني لما رجعت من السفر رحت طوالي عند دكتورتي علشان اشوف ايش المشكله اللي مسببه لي تنقيط ولا جاء على بالي انو اشوف المبايض المهم هيه كشفت على المبايض وقالت لي انتي استخدمتي منشطات الشهر هذا قلت لها لا بس استخدمت الميراميه قالت لي كويس المبايض عندك منشطه (ماشاء الله لا قوه الا بالله )الحمدلله
المهم حبيت اذكر لكم تجربتي مع الميراميه بعد تردد وخوف من استخدامها
واخيرا ....واتمنى منكم تدعوا لي اني احمل الشهر هذا طبيعي لاني طفشت وزهقت من المنشطات والابر ...ولازم تعرفوا ان كل جسم يختلف عن الثاني
وذكرت تجربتي لاني طمعانه في دعواتكم الله يرزقنا الذريه الصالحه عاجل غير اجل
تل التفاح @tl_altfah
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ويااارب الله يرزقك الذريه الصالحه