تجربتي الخاصه مع حب الشباب .

اهلاً .
صباحكم / مسائكم كمآ تحبون 💕.


انا اليوم بتكلم عن تجربتي الشخصيه مع معاناة حب الشباب ، واللي اغلبنا عانا او إلى الان يعاني منها ، وبدعم كلامي بصور صورتها في فترة العلاج ، ولا احلل ولا ابيح من يستخدم الصوره في موضوع آخر ! ، طبعاً في البدايه حابه اقول لكم اني م كتبت هذا الموضوع عشان انصحكم او اسوي دعايه لكريم معين ، لا ابداً ! هذي تجربه خاصه وحبيت انقلها لكم ممكن تستفيدون منها ، وبسم الله نبدأ.


- اولاً انا عمري 17 ، واعاني من حب الشباب من عمر 13 تقريباً
- زرت عيادات كثير بس كان الاحباط اقوى مني وكنت اوقف العلاج دائما ، وم كنت اهتم بالعلاج من الناحيه النفسيه والغذائيه !
- استخدمت جميع الادويه اللي تخطر ع بالك واللي م تخطر -غسول ، غسول موضعي،مقشر،مقشر طبيعي،صابونه،مرهم،حبوب،وغيرها كثير -
-وبصراحه انا من النوع الملول يعني م اصبر ع الشي لحد م تبان نتيجته ، لا على طول امل منه وارميه.
___________
بدأت في فترة العلاج الجدي وقررت انه لازم اوقف لعب ومصخره ، البشره شي مهم وهي اللي تشوه جمالك او تحليك اكثر ! طبعاً بشرتي كان فيها حبوب واثار حبوب.


قررت اني التزم بالعلاج اولاً ، اهتم بأكلي ، بنومي بشربي للمويه وهذا اهم شي ، ابتعد عن اي شي يضر بشرتي

1_اكلي كان شبه صحي ، ابتعدت عن المقليات واي شي فيه زيوت ، وعن الشكلاطات ، وعن المكسرات ، والاشياء الحاره .
2_اشرب مويه بكثره ، واجبر نفسي عليها بالقوه احياناً،وكل م شفت احد يشرب مويه رحت شربت زي البزران يعني + علبة المويه معي دائماً م تفارقني .
3_احاول انظم نومي ، احاول قد م اقدر اني م الخبط فيه.
4_ابتعد عن اني اتعرض للشمس مباشره واستخدم واقي شمس.
5_ابداً ابدً م العب في الحبوب بيدي ولا استخدم اي خلطات مب موثوقه !
6_اهتم اني انظف وجهي وم اخلي الزيوت تتجمع فيه ، خصوصاً في الصيف بما ان بشرتي ام الدهون كلها )'.
7_م احط ميك اب كثر وممكن انه انعدم نهائياً من عندي الا اشعار اخر .
----------
العلاجات :
في البداية الغسول الموضعي ديرما-ت هو المهم والاساس فيه بداية كل علاج ووظيفته يطهر بشرتك وينظفها + يجفف الحبه ويقضي عليها ، استخدميه بطريقه منتظمه وزي م يقول الدكتور بالضبط ، وكان معاه مقشر أكرتين المعروف نحطه في الليل قبل النوم ونصحى الصبح نغسله وكان معاها حبوب مضاد يوصفها لك الدكتور حسب نوعية بشرتك وحبوبك واسبابها .
-
في الفتره الثانيه ، كمان مستمره ع أكرتين ، وكان معاه جل بنزاك اكثر علاج تفألت فيه وعشقته وحسيت انه هو اللي سوا شي واضح ببشرتي وكان معاهم حبوب المضاد.

الفتره الحاليه ، مقشر أكرتين ، وكريم سكينورين ، هذي الفتره ممكن تكون الاخيره من العلاج وممكن لا ، الله العالم بس بشرتي تحسنت بنسبه كبيره وبشكل ملحوظ ، وارتحت كثير الحمدلله وزادت نسبة ثقتي بنفسي ، رجعت احب اطلع للعالم واحضر مناسبات بعدما انقطعت عن حضور المناسبات تماماً وشبه انعزلت عن العالم لان موضوع حب الشباب بالنسبه لي كان موضوع حساس ومؤثر فيني بقوه ولاعب بنفسيتي لعب ، وسوا شبه انعدام لثقتي بنفسي والحمدلله على كل حال.


-يُتبع ...