تجربتي الرااااااااااااااائعه مع اولادي

مره جاني ولدي 6 سنوات قال: يا ماما سويلنا كيكه .
قلت: طيب .. وكنت فاضيه وقتها وزعلانه كمان:(المهم رحت المطبخ وقلت لنفسي يابنت ليه ماتخلي عيالك يساعدونك وتغيري جو الاكتئاب الي انتي فيه .... وناديت عيالي اللي 6 سنوات واللي 4 سنوات واستغنيت عن خدمات الصغير ... المهم .. خليت واحد يخفق البيض والثاني يحط السكر والأول يحط الزيت .... الين ماخلصنا الكيكه وحطيناها في الفرن .
ما تتخيلوا فرحة اولادي بهذي التجربه خاصة حكاية الخفق مجرد ما يمسكوا الة الخفق وتشتغل ينفرطون ضحك وانا معاهم ههههههههههه ....:o

كان لهذي الكيكه عدة فوائد ...1- غيرت تماماً حالة الحزن اللي كنت عايشتها هذيك الساعه .
2- نمت عند اولادي روح المشاركه وهذا شي لاحظته بعدها ...مثلاً صارو ا لما أقولهم يالله نرتب مع بعض بسرعه يتجاوبون معايه خاصه لم أقولهم عشان ننبسط زي الكيكه سويناها مع بعض وانبسطنا .
3- اكلوا الأولاد من الكيكه بشكل غير عادي لأ نهم شاركوا في صنعها .:21:
4- شلنا لأبوهم منها و لما جاء ذوقوه وقالوله احنا سويناها يابابا وقلهم انها لذيذه وماشاء الله عليكم ...الخ وهذا الشي نمى ثقتهم في انفسهم .

هذي التجربه عزيزه على نفسي عشان كذا حبيت اطلعكم عليها .واتمنى اسمع رايكم فيها .