أنا من عشاق هذا القسم وكل ما أقرا فيه يجيني حماس مو طبيعي لترتيب وتنظيم بيتي وتطبيق أفكاركم الحلوة
المهم .. يا حلوات قبل فترة جاتني بضاعة منوعه..
وبما ان هالفترة السوق ناااايم بديت اوزع بضاعتي هدايا هنا وهنا على جاراتي وأخواتي غير اللي استخدمته فالبيت..
ومنها منظم الأحذية القماش اللي ينحط تحت السرير أو فالدواليب بصراحه جربته وتفاجأت فالنتيجة .. أقولكم ليش..
قبل كنت مره أحتار وين احط الجزم الله يكرمكم .. حطيتها بكرتون فالمستودع لكن مع حر الرياض والمستودع ما فيه تكييف سارت كأنها قديمة لدرجة لبست جزمه وانقطعت علي فالمستشفى أنواع الإحراج :angry2:
فرجعتها غرفتي وفضيتلها درج التسريحة اللي فالوسط ..
كل زوج فكيس أو كرتون .. بس الكمية كبيرة ومتحاشرين فالدولاب وإذا جيت أطلع اتكاسل أدور .. غير ريحتها كل ما اوقف عند التسريحة أشمها..
وجربت المنظم وهذي النتيجة ..
طبعا المنظم الواحد يشيل اكثر من 12 زوج لأنه ممكن تحطين فالقسم الواحد زوجين .. ويتسكر عليهم بسحاب نظافة مايدخلها الغبار ويعزل الرائحة
روووووعه ورخيص..
وترى ما حطيت هالموضوع دعاية عشان تشترون مني أصلا ما بقى عندي إلا كم واحد .. حتى شغالتي الحبشية عجبها وأخذت 3 لأهلها
وهو موجود عند التاجرات فالمنتدى وهذي الصور
ولكم كل الحب :26: