جزاك الله خير

الله يجزاك خير ويمن عليك بالعافية والستر

اعرف وحدة عزيزة علي عندها وسواس في الوضوء والاكل والناس وان كل الناس ساحرتها وتتكلم عليها وهذا المرض فيها من زمان

وما هي مقتنعة بالمرض ولا بانها تتعالج بدات تضر اولادها وزوجها وصار زوجها ما يتحملها ابدا كيف نقنعها انها مريضة عشان تتعالج

سبحان الله

عزيزتي أنا نفسك مش حابه أحكي عن وسواسي لأن مش كل الناس بتتفهم الأمر دا

أنا نفسي في بداية الأمر ماكنتش فاهمه ولا متفهمه

بس سبحان الله قلت أكتب قصتي علشان بس أفيد اللي زيي لأني عشت المعاناة فترة طويلة لحد ما الأمر تفاقم

فحبيت أفيد الأخوات ليتخلصوا من وسواسهم

أنا كمان الحمد لله بعتبر نفسي مش موسوسة

اه لم يتم شفائي بنسبة 100%

لكن بنفس الوقت أنا مش موسوسة الحمد لله

عدم مسك الأشياء إلى حد ما لسه باقي معايا بس لازم نفصل بين الوسوسة وبين النظافة الزيادة المقبولة

يعني النقود مثلا .. عادي إن الواحد يقرف شويه وهو ماسكها دا طبيعي ولازم يغسل ايده بعدها وخصوصا قبل الأكل

لكن المرضي هو الخوف من لمسها

فهمتي الفرق

مثلا مقابض الباب وخصوصا أبواب الحمامات العامة .. طبيعي إن الواحد يقرف من لمسها دا طبيعي على فكرة

مفتاح المياة مثلا ممكن ناس بتغسله بالصابون وهي بتغسل ايديها

أعتقد دا مش وسواس للدرجة المرضية اللي بتوقف الحياة وتأزمها

دا نظافة زيادة بس

وممكن الحياة تستمر معاها فماتشغليش بالك بيها

لكن انتي في قرارة نفسك خلاص الحمد لله خفيتي ومش موسوسة

لكن دا مايمنعش إنك نظيفة شويه

فرق شاسع بين النظافة والوسوسة

الوزن الزايد

أنا وزني أيام وسوستي كان ضعيف بس مقبول

لما تعافيت الحمد لله .. زاد وزني كتير تقريبا 17 كيلو

لأن وسواسي كان كمان بالأكل كله سواء أكل البيت أو المعلبات أو المطاعم و و و

فلما ربنا شفاني سبحان الله زاد الوزن وبقيت آكل براحتي

وبقى عندي مشكلة في وزني

هاديكي موضوع هدية تطبقيه وبإذن الله وزنك هايكون مثالي جداا

http://forum.hawaaworld.com/showthread.php?t=2930168

أنا مسمياه الريجيم المثالي فعلا وأسلوب حياة وفعلا بتختلفي

واقري كل صفحاته

بس الظاهر إن مشكلتك فيه فراغ شويه ودا بيخليكي تفكري كتير وتجيلك أفكار وسوسة

حاولي اشغلي نفسك بأي شئ

بعدين بلاش الشيطان يوسوسلك إن الوسواس دا عقاب من ربنا أو الوزن عقاب و و

شوفي الحديث دا



عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .

و جاء في بعض طرق الحديث السابق حديث الباب ( فليظن بي ما شاء ) رواه أحمد وغيره بإسناد صحيح .


فأحسني الظن بالله واستعيذي من الشيطان لو وسوسلك

وسبحان الله والله دي نعمه من ربنا .. يعني مش بعتبره إبتلاء ولازم نرضى ونصبر بس لا بالعكس دي نعمه من ربنا ودا الخير لينا الحمد لله وسبحان الله أهو ربنا الحمد لله شفانا وعقبال الجميع

جزاك الله خير

جزاك الله خير وبارك فيك
ان شاء الله الكل يستفيدوا من هذه التجربه
اسال الله العلى القدير ان يشفى مرضى المسلمين وان يتم عليك الشفاء والعافيه امين