قليلة الخبرات اللي قرأتها عن علاج الشعر بالميزوهير
يمكن بعد البحث في قوقل قرأت 3 تجارب فقط
1 في الكويت و 2 بالسعوديه
فحبيت اشارك بتجربتي الشخصية
الموضوع هذا انا كتبته شخصيا, و كتبته امس في منتدى آخر بمعرف (حبيبة نونو)
فأرجو ان تدعوا لي بالشفاء و التيسير
من اكثر من تسع سنوات و انا اعاني من مشكلة تساقط الشعر الشديد , لدرجة وجود فراغات عظيمه في الشعر و تقصف و بهتان اللون و عدم طوله إلا في السنه سنتيمتر واحد
و كل من يشوفني يحزن علي
طبعا كنت استشور الشعرتين اللي في راسي و اصبغه و نادرا ما احط له زيت
و استحم بالشامبو يوميا بدون تخفيف,
باقي على فرحي 5 شهور
و رحت لأخصائية جلديه في جده
و شرحت لها مشاكلي الجلديه و سألتني عن فروة شعري
و لما وريتها قالت لي لازم تعملي الميزو هير (و هي تقنيه تعتمد على حقن المناطق المتضررة من الشعر "سواء صلع او تقصف او بهتان" بالفيتامينات اللازمة لصحة الفروة و بصيلة الشعر)
طبعا الفرق بينها و بين الفيتامينات المأخوذة عن طريق الفم او تغيير النظام الغذائي , انها ما تاخذ وقت
يعني الفيتامينات او الاكل الصحي المتناول يحتاج فتره عشان ينهضم و يوصل الكبد و بعدين ينتقل عبر الدم الى الاعضاء المصابه او الاجزاء المتضررة
بس الميزو تدخل لك المواد على طول للطبقه الداخليه للفروة
قررت لي الاخصائية 6 جلسات ,
و بدأت اول جلسه صباح يوم الأحد الماضي
وصفت لي معه لوشن , و فيتامينات يوميه
و بس
ملاحظاتي بعد الجلسه:
طبعا اللي يقولو ما فيها الم يكذبو
لأن الحقن مؤلم , و المادة اللي تحقنها (الفيتامينات) تحرق شوي
و لكن الالم معقول و الحرق مقدور عليه
و مشكلتي اني بالليل رحت مشوار فحسيت فروة راسي حااااره و فيه بعض الالم يمكن من ربطة الغطاء
فنصيحتي للي تبغى تعمله تجلس في البيت و اهم شي ما تخلي فروة شعرها تعرق و بالذات بعد الحقن مباشره, لا مجهود عضلي و لا جو حار و لا استحمام
اقل شي ساعتين (على غسل فروة الرأس فقط)
____
الملاحظه الثانيه, الصراحة ما بين معي شي غير الايقاف الفوري لتساقط الشعر, و شوية لمعه , بس فيه حكه في الفروة (تطفش) قد تكون الانسجه لما تلتحم (بعد الحقن) او بصيلات شعر جديده تنمو (وهذي تكون أشد بعد 3 ايام تقريبا ,و انصح البنات ان يكون الحك مثل المساج للفروة, مو بالاظافر عشان ما يطيح شعرك, و كأنك ما سويتي شي
طبعا اللي عندها فقر دم شديد ممكن ما يأثر في ايقاف التساقط كثير, يعني لازم تعالج مشكلة فقر الدم اول وهذي خلطة مضمونه بإذن الله (زبيب اسود قد كف اليد + 1لتر حليب السعوديه كامل الدسم او اي حليب + تفاحة حمراء كبيرة + 9 ملاعق دبس قصب السكر) كلها في الخلاط و اشربيها طول اليوم (على فكره كل اللي عندهم فقر دم في العائله استخدمو هذي الخلطه و صارو تمام بس لازم الاستمرار)
________
أي استفسار انا حاضره للحلوين , و راح ابلغكم اول بأول بالنتائج..
_____
دعواتكم
