تجربتي الشخصية ف تخفيف نمو شعر الجسم

صباحكم خير وسعادة،،
حبيت اشارككم تجربتي الشخصيه ف تخفيف نمو شعر جسمي اللي تعبني من كثره،، سبحان الله غليظ وكثير يا ليت لو شعر راسي كذا،، لكن الحمد لله حصلت ع نتيجه ترضيني مقارنه بأول،،
ما أطول عليكن اخواتي ،،
أول شي سويت تقشير لجسمي بزيت جوز الهند العضوي مع السكر مسحت فيه جسمي كامل وخليته ع جسمي تقريبا 10دقايق عشان البشره تمتص الزيت وبعدها سويت تدليك مثل المساج بحركات دائريه وبضغط شوي ع جسمي طبعا فيه تعب شوي لكن انا استخدمت الليفه المغربيه ف التقشير وفركت جسمي كامل عدل خصوصا الافخاذ والسيقان واليدين وبعدها استحميت عادي بصابونة البابايا ولما تخلصي استحمام بتحسي جسمك ناعم ورطب ما يحتاج ترطيب بعد الاستحمام لانه زيت جوز الهند قام بدوره،،
طبعا ف اليوم الثاني سويت حلاوة لشعر جسمي كامل وبعد ما خلصت حلاوة بدون لا اغسل بالماي مسحت جسمي بليمونه لان المسامات بتكون مفتوحه واكيد بتتلسعي من الليمون لكن فتره وبيروح ومن يجف الليمون ع جسمك غسلي جسمك بالماي بدون صابون وبعدها دهني جسمك بكريم نبات السعد ويفضل فتره طويله ع جسمك يعني مثلا من الليل للصبح ،،
وطبعا عاد دهني جسمك كل يوم بكريم نبات السعد لمدة 5أيام،، وبتلاحظي تأخر ف نمو الشعر من المرة الثانيه مو ثاني يوم لا اقصد بعد المرة الثانيه من ازالة الشعر واتباع نفس الطريقة يعني من الشهر الثاني،، انا ظهرت النتيجه عندي اكثر ف الافخاذ والسيقان لكن للامانه يديني ما لاحظت تغيير كثير يمكن لاني يديني متعودة احفهم بالحلاوة لكن السيقان والافخاذ كنت احفهم بالشفره وصراحه بعد استخدام هالطريقة لاحظت تغيير كبير ف المره الثانيه حتى بتلاحظوا فراغات ما يطلع فيها شعر،، طبعا انا شعرانيه من لخبطة الهرمونات واكيد اللي ما فيها لخبطة هرمونات بتلاحظ تغيير اكثر واسرع،،
حبيت افيدكم بتجربتي لاني استفدت من تجاربكم وهذا اول مشاركه لي ف هذا المنتدى اللي دايما اتابعه واستفيد منه،،
ما أريد منكم غير دعوة صادقة بالحمل السليم المعافى والذرية الصالحه،،