HSL000

HSL000 @hsl000

عضوة جديدة

تجربتي الشخصية للشعر من والى ..

العناية بالشعر

السلام عليكم ورحمة الله وبركاته ..


هذه راح تكون اول مره اتحدث فيها عن تجربتي الشخصية..


بقولكم اول شيء سبب تغيري في نظامي من والى :
في الابتدائي يوم شعري كان في يد الوالدة كان ما شاء الله كثير وربي ما اكذب ومن يوم مسكته انا بنفسي يا طاح طيحة صار خصله ..شكلها البركة في يد الوالدة ما شاء الله 😂
المهم كنت مسويه انا الي العناية مدركتها وفاهمتها على اصولها ، يا خلطت خلطات الريحة بس تصحي النايم و لا اقولكم عن الثقة الغبية الي كانت عندي وانا احطها في راسي ..


اخر شيء صار شعر متكسر مره ومتقصف لدرجة ما تتوقعونه ، الضفيرة(جديلة ) حقتي قد الحلقه حقت الخاتم ..


لا اقول لكم قد ايش تدمرت نفسيتي وصارت اسفل الحضيض ، صرت مني متقبله نفسي ولا اخرج ومع فتره حب الشباب صوت اشوف نفسي مقرفه ..


شعري حتى ما افتحه في الجماعات الملزومة الي اروحها على شان الوالدة ، لا ثقة ولا شيء كان يملأني


وكثير يقولون حبي نفسك زي ما هي وانا ما كنت اقدر اسمع كلامهم ، مهما حاولت كان صعب علي ..


استخدمت انبولات و حناء وخروع وكل شيء ما لقيته وحطيته في راسي ولا فاد..


الين رجعت كذا جلست مع نفسي وحاولت افكر في الخلطات حقتي انا ليه اخلطها كذا ؟ مو يقولون المبالغة فيها رد عكسي ؟ ليش انا مبالغة كذا ؟ وايش فايدتها حتى ؟!
جلست مع نفسي من التدمر الي جاني وللأسف كانت التدمير ذاتي مو خارجي وهذا اسوء انواع التدمير لانه اذا ما اقنعت نفسك مافي احد بيقنعك ..
اول خطوة سويتها هو اني اعالج شعري داخلي أولًا ، وعلى شان انا وحده ما تتقبل تاكل خضروات كثيره او بيض كثير صرت امشي على نظام محدد ..
لازم كل يوم عشره حبات جوز نيء اخليها في اي وقت جعلته بس مالي خلق اسوي اكل ..
وزبادي او لبن او كاسة حليب كل يوم قبل ما انام احله عشاي ..


بالنسبة الى الفيتامينات كانت يوم اخذ حبه سنترم و اليوم الي بعده اخذ فيتامين باء و كالسيوم و اليوم الي بعد حديد و فيتامين ج ويومين ما اخذ حبوب ابدًا وبدالها اكل خضروات او اي شيء فيه فيتامين او بروتين ، واعيد النظام كل ما ينتهي ..
المويه لازم تكثرينها لانك تاخذين حبوب ، لازم جسمك يلقى الموية الكافيه على شان يصرف السموم ..
المهم هذا الداخلي وجلست عليه حق ثلاثه اشهر قبل ما يبان منجد على شعري ، التساقط اختفى وصار خفيف مره لدرجة ما تتوقعونها ..
صار بس وقت التمشيط تحطي شعرات قليله ، اصحى ما القى شعر على المخدة يا ربي لك الحمد فرحت ..
قلت الان انا احتاج اهتم خارجي كمان ، اول شيء بديت به على سنه النبي محمد صلى الله عليه وسلم ..
زيت زيتون يوم ايوا ويوم لا ، وانا اقلكم انه شعري جاف بس والله ما اكذب عليكم انه شعري صار فيه لمعه و طري و فوق هذا طوال اليوم شعري شعوره متغذي ..
في ايام اخلي الزيت الزيتون بعد الحمام مو قبله وما اكثر بس اهم شيء اني امشي على السنه لانه النبي في كل افعاله ما يسويها الا ولها فايده وحتى في العلم لو بحثتوا راح تلقون فوائد عظيمه ..
وكمان يا حلوين الحنة و السدر مره مهمين وانا اقولك لكم نظامي كيف ..
الحنة مره كل اسبوعين او اسبوع على حسب مزاجي لها ، اذا صادف انه في يوم حمام زيت زيتون ايش اسوي ؟
نحط الحنة ساعه وحده او ساعتين بالكثير وبعدها اغسل شعري بمويه وآخر شيء مويه الشاي بدون السكر ، بعدين اخلي شعري فيه رطوبه خفيفه قبل ما احط زيت الزيتون واخليه بالقليل ساعه وبالكثير اربع ساعات وبعدين اغسله بالشامبو ( ملاحظة من تجربتي ؛ الشامبو اخففه في مويه في كل ترويشه وينظف من قلب )
الحنة طريقتها سهلة ( مويه شاي بدون سكر و حناء على حسب كمية شعرك )
اما السدر حبيب القلب بالنسبة لي مره في الشهر وتعرفون اخليه مع الغسل من الدورة وانتم بالكرامه ..
بعد الغسل واخلص تمامًا اخذ مويه السدر و اسكبها على شعري و جسمي اخليها لفتره عبال ما افرك جسمي بالسدر ترى يشد الجسم مررره بس لازم بعدها ترطيب من قلب ..
بعدين اشوفها بمويه وخلاص خلصت من الشاور واخرج ..
بعد الشاور اخلط زيت لوز و خروع وادهنها في الفروة وما أكثر ابدًا على الخفيف ..
بعد السنتين من العناية وصل شعري وصل لنص ظهري والخصلة ثقيلة الحمدلله والشكر لك يا رب ..
أولًا لو لاحظتوا ان الشعر ماخذ فيتامينات و متشبع داخليًا و خارجيًا حنه الي تثقل الشعر و تقوي المنبت و تقضي على الفطريات ، من غير السدر الي بإذن الله اذا اصابتك من عين او شيء بأنها تنزلها عنكِ بإذن الله ..
والاحتياط واجب ..


وأخيرًا التمشيط مهم يا بنات وربي مهم جدًا ، لازم تمشيطك على الخفيف كأنك تعاملين طفل ، كوني رقيقه في شعرك ..
ولازم تمشطين شعرك يوميًا من مرتين الى مره على ثلاث على حسب شعرك انتي وعارفه طبيعته ..
بس لا تبالغين لانه المبالغه دايمًا توديكِ في داهية وحاولي انك تضفرينه ( تجدلينه) على الخفيف لا تشدين كوني رقيقه .


وأخيرًا اقول لكم انا في السنه الرابعه من عنايتي والحمدلله قدرت اوصل للشعر الي دايمًا احلم فيه ..
والله يرزقكم بالي تتمنونه واكثر يا رب 💓


اتمنى اني افدتكم في تجربتي الشخصية وأدعوا لي اذا افادتكم ..
16
4K

يلزم عليك تسجيل الدخول أولًا لكتابة تعليق.

تسجيل دخول

ستورمي المزيونه
ماشاءالله
بوكا
بوكا
تبارك الله عليك الله يديمها عليك نعمة ..
بطلبك بس ترتبين عنايتك في نقاط محددة ومختصرة لاني بصراحة صرت تايهة 😅😅
والف شكر حبيبتي 🌷
💎Diamond
💎Diamond
حبيييت💕..انا نقطة ضعفي الشعر😂😂😂
عفة مهره وروح خيال
ما شاء الله تبارك الله👌 أنا أؤيدك وبقوة لأن أنا بعد صار هذا نظامي
لكن بدون زيت زيتون، ماناسبني
استخدم زيتين من انستا
عفة مهره وروح خيال
حبيييت💕..انا نقطة ضعفي الشعر😂😂😂
حبيييت💕..انا نقطة ضعفي الشعر😂😂😂
لاحظت من موضوعك اللي عنوانه موضوعك اذا ماخاب ظني😂
أنا بعد اشترك معاك في نقطة الضعف ذاتها😅