تجربتي الشخصيه : بتحقيق امنياتي وتفريج همومي

بسم الله الرحمن الرحيم
 الحمدلله علئ مانحن به من نعم تستحق الحمد..





 اليوم واول موضوع لي عن تجربه شخصيه والله والله ربي يعلم ان كل كلمه اقولها اني مريت فيها عندي ثلاث ايات واحديث ودعاء صار نصب عيني 


1_قول الله تعالى <انا عند ظن عبدي بي،


2_﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا ﴾ نوح: 10اول كل بيت فيه مشاكل وكل وحده

عندها مشاكل شخصيه سوء تعب او ضيقه او اشيا تتمنئ تتحقق سوء وظيفه او دراسه او انجاب او مشاكل اهل او اخوان او زوجيه ،،،كذا الحياه محد مرتاح بس فيه شي المشاكل تلهينا عنه او ماجربنا بيقين او رغبه فينا نجربه يمكن يوم بس عشان عندنا شي مضايقنا ..وانا كنت وحده منهم،،بس بفتره حسيت مهم تخططين ومهما تحاولين دامك بعيد قلبك وحساسك عن ربك مارح تحسين بالانتعاش ،،كلنا نصلي كلنا نستغفر كلن نحمد الله ونثني عليه بس لو نلحض مجرد لسان يتحرك بس قلبنا وحساسنا لا سرحانين وملتهين لااردي ،،


انا اليوم بقول لكم تجربتي اقسم لكم بالله تحققت اغلب امنيات والاهم حسيت ان ربي قريب يسمعني انا كانت عندنا مشاكل من ناحية اهلي مشاكل شخصيه لي فتره كذا صحيت مع نفسي قلت انا اصلي بس ماخشع بصلاتي استغفر بس بلساني اقرء قران بس مو بقلبي اخذت عزم مع نفسي اصلي اقرء الايات بهدوء الفاتحه ..والخ اركع اطول بس مو مره عشاني ماتتعبين مع الوقت بترتحين اسجد واطوال وبراسي هالايه > قول الله تعالى: {وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ}...هنا ابدءواقول اللئ بخاطري وتذكري ان السجود من مواضع قبول الدعاء ابدء بصلاه ع النبي بعدها اثني ع الله باسماه الحسنئ بعده اطلب من الرحمه والغفران ربي يارحيم ارحمني ربي انك عفون كريم تحب العفو فاعف عني .ربي لاتحرمني خير من عندك بسوي ماعندي ..ربي انت الكريم انت المعطئ فاعطني ..لاتستعملين ياء المناده لانها للبعيد لاتقولين ياربي قولي رب اي مشكله عندك تعسر بالامور او بالزواج او بالانجاب او بالوظيفه  او زوجك بعيد عنك عادي تكلمي بكل عفويه مع ربك قول ربي ارزقني زوج ربي زوجني .او فرحني بالمولود .او ربي يسر لي وظيفه .ادعي ربي بالثبات والهدايه .ادعي ربي ي مقلب القلوب والابصار ثبت قلبي علي دينك وصلاتك وعبادك .لااله الا انت سبحانك اني كنت من الظالمين .الافضل كل دعاء تكررينه ثلاث مرات . ابكي ع سجاتك فرغي اللي بقلبك لربك . قولي ربي متفائله بك حد العطاء قولي ربي استودعتك دعواتي فبشرني بها قولي يارب لايمضي هشهر الا عطيتني اللي بالي قولي يارب انا اشوف الفرج قريب خلي احساسك قريب مع ربك بسجود  .ادعي بحسن الخاتمه ادعي لاهلك ..بالاخير ختمي بالصلاه ع نبي . بعد ماتسلمين من الصلاه خلاص بتكونين متفائله من ربك انسي تتكلمين فيه او تفكرين فيه .،

حاولي باليوم ب اغلب الفروض ادعي باخر سجده ، الالحاح بدعاء ربي بيستجيبه ،مو تقولينه مره او مرتين باليوم ،وتقولين ماشفت شي لا شهر شهري اول ارضي ربك خليك قريب قولي انا اصلي بخشوع عشان ابي قريبه من ربي بتكونين مرتاحه ،،وربي اقسم بالله تحسين بالراحه وانتي قريبه من ربك ،،خلي معك خاتم استغفر وقعدي واستغفر الاهم مو وش كثر استغفرتي الاهم تكون من اعماقك تكوني حاسه بتقصير لربك سبحي، هللي ،صلي ع النبي ، دعاء الانبياء قوليه ،انسي المشاكل خلاص عطيتيه ربك وبيحله باذنه ان شالله
 والله حياتك بتتغير بتنبهري من نفسك كيف ترضين ربك ومع الوقت بيرضيك والله والله كل فتره اتفاجاه بالي كنت ادعيه تحقق واتذكر كيف كنت اصلي عشان ربي اول واستغفر واذكره بيومي ،.انا استفد للامانه كثير من هالمنتدئ ماحبيت ابخل عليكن بتجربه شخصيه ..والله العظيم اني صادقه بكل كلمه وانه من تجربتي الشخصيه قلته لكن بعفويه ...




بالاخير ابي دعواتكن لي ب التوفيق والتيسر وكل من جربته وشافة الفائده لانفسها تدعيلي مرسل من الهاتف المحمول