مساء الخير يالغاليات
الاسبوع هذا كلة تعبانة الحمدلله والشكر والله يجعلة تكفير لذنوبنا
وصراحة خذيت علاج والا ما خذيت ما تغير شي الا شي بسيط
حلقي الم غير طبيعي الحنجرة كلها
واحسة ينزل ع الصدر مع سخنة
والصوت يا سلام مافية ما اتعامل مع عيالي وزوجي الا بالتصفيق
لا يروح بالكم بعيد قصدي اصفق بيديني وبالأشارات
وشوي شوي طلع صوتي بس بصراحة كأنة صوت رجال
لدرجة اتصل ع اختي وترد بنتها وتقولي مين واقولها انا خالتك اسطورة
وتعطي امها السماعة وتقول لا هذا فلان (رجال) مشبهه الأخت على صوت واحد
ورجلي يناديني يقولي سولفي يازين صوتك يعني بنرتاح كم يوم من القرقرة:09:
المهم ياحبيباتي ادري هذرتي واجد بس لا تلوموني لي فترة ما قرقرت
بس الله يسلم الواتس اب يأني استلمتة استلام
ابرد حرتي فية
كنت اسولف مع اختي ع الواتس الله يوفقها امين كانت الفرج لي
واسألها وش سويتي يوم تعبتي من حلقك وانة مافاد العلاج معاي
وقالتلي عليك
بالثوم
قطعية ع شكل كبسولات وابلعية وما تشوفين الا العافية بأذن الله
حتى المضاد ماتحتاجينة
واقوم الصبح وقبل لأفطر وانا متحمسة اقطع 2 فص ثوم شرائح كأنها
كبسولات
وابلع الأولى واشرب ماء لأن الحليب كان حار
فشربت ماء
وابلع الثانية والثالثة وارابعة وشوي الا يوم احس انها تراصت بحلقي
واشرب ماء واشرب اشرب مافية فايدة ادق ع صدري ابد ماتنزل
وبنتي تدق صدرها معاي تفاعل
واروح امشي وانط ابد مكانك قف
واشوف البيضة عندي وانا ابلع من البيض والحمد لله وهي تنزل بسلام
مابغت
وبعد ماراحو عيالي وارجع انام
قمت الظهر الا ماشاء الله يابنات والله العظيم الألم خف كثير
بشكل واضح الحمد لله
وصراحة نقدت ع انفسنا ليش الثوم مهملينة
وفوائدة مثل السحر
ادري اننا نشيل هم ريحتة ونتضايق منها بس لو ياكل الشعب السعودي كلة ثوم
كان ماشمينا الريحة بنصير كلنا مثل بعض:42:
على قولة حامد الضبعان الثوم يخفض ضغطك ويرفع ضغط الي بجنبك
صدق والله
صراحة قررت ازرط العايلة عندي العيال وابوهم ثوم
عشان ما ارفع ضغطهم
وسلامتكم
ان شاء الله تستفيدون من تجربتي الصاروخية اقول وخري بس لا تسوين زحمة والشارع فاضي
* اسطوره انثى * @astorh_anth
محررة فضية
تجربتي الصاروخية لألتهاب الحلق سحر ومن منا مالتهب حلقة وصار بالأشارات يتكلم مثل حالي
98
167K
يلزم عليك تسجيل الدخول أولًا لكتابة تعليق.
همس الجنوب 2010
•
يسلموووو
الصفحة الأخيرة