تجربتي الطااااازة في عملية شد الصدر ..

السلام عليكم و رحمة الله و بركاته 

كيفكم يا بنات 

لأني أحبكم و استفدت منكم كثير .. حبيت اشارككم بتجربتي في عملية شد الصدر .. 

أنا عمري 29 و عندي بنتين و ولد .. الحمدلله جسمي حلو بس صدري مترهل بسبب الحمل و الرضاعة ، و هالمشكلة جدا شائعة مثل ما تعرفون .. 

قررت اسوي عملية شد بصدري بعد تجارب ل ناس أعرفهم .. و بعد ما شفت العملية في اليوتيوب و قريت عنها كثييييييير .. تشجعت و استخرت و ارتحت .. و الحمدلله سويتها قبل اربع ايام ..

كان مهم جدا عندي ان تكون دكتورة مش دكتور .. لان الموضوع مخجل بصراحة .. اضافة الى كون العملية تجميلية يعني ماني مضطرة اكشف عورتي عند طبيب رجال خصوصا ان وقت العملية يحطون قسطرة للبول !!!! .. فسألت عن امكانية ان الطاقم الطبي يكون كله نسائي .. ممرضات و تخدير و كل شي .. و الحمدلله تأكدت من الموضوع .. 

قبل شهر و نص تقريبا زرت الدكتورة و كشفت على صدري .. و قالت ان درجة الترهل وسط .. و قالت ان صدري بيصغر مقاس واحد يعني بيصير B .. و قالت ان المقاس مناسب لجسمي لأني نحيفة و اكتافي مش عريضة .. 

و طبعا أنا كنت مخططة احط سيليكون اذا احتجت بس زوجي ما كان موافق نهائيا على السليكون لانه غير مضمون صحيا .. و لازم يتغير كل عشر سنوات على حسب كلام الدكتورة .... و شفت الحشوات و لمستها و خفت بصراحة و قررت اعمل شد بس بدون حشوة .. خصوصا ان الدكتورة شجعتني و قالت ان الحجم بعد الشد حيكون مناسب جدا لجسمي .. 

المهم .. تحدد تاريخ عمليتي حسب جدول الدكتورة لانها أداوم أسبوعين في السعودية و أسبوعين في فرنسا .. 

و التكاليف 16 الف .. غير تكاليف المامو غرام ((أشعة للصدر)).. و المشد اللي البسه بعد العملية .. 

قبل العملية بأسبوعين رحت عملت تحاليل الدم .. بعض التحاليل لازم اكون صائمة .. كل التحاليل ب 900 ريال تقريبا ، ضمن فلوس العملية .. و دفعت مقدم 8 الاف .. 

بعدين عملولي موعد مع طبيبة التخدير و الماموغرام  .. قبل العملية باسبوع تقريبا .. و رحت لطبيبة التخدير و وعدتني تكون موجودة وقت العملية .. و في نفس اليوم عملت الماموغرام و الحمدلله نتائج الدم و أشعة الماموغرام كويسة .. طبعا الدخول على طبيبة التخدير ضمن مبلغ العملية .. و الماموغرام ب 660 ريال سوته لي ممرضة هندية .. بس ممكن تعمليه في اي مستشفى ثاني براحتك و تجيبي النتيجة ..

قبل العملية بيومين رحت عشان يسحبوا مني عينات دم عشان لو احتجت دم وقت العملية يوفروا لي دم مناسب .. و هالشي قالولي عليه وقت اللي سويت تحاليل الدم و دفعت ثمنه ضمن ال 900 ريال .. 

يوم العملية كنت متوترة طبعا .. و رحت الصباح صائمة من الساعة 12 بالليل ..  و ودوني غرفتي و حطيت أغراضي و لبست ثياب المستشفى .. و جت الممرضة و صورت صدري صور من قدام و من جنب عشان بعز العملية أقارن النتيجة و طمنتني ان الصور سرية و خاصة بيني و بين الدكتورة و الممرضات .. و جت الدكتورة و خططت لي صدري و معاها المساعدة حقتها و كانت سعودية .. و طلبت منها تحرص ان جميع الطاقم الطبي يكون نسائي .. و قالت لا تخافي ..  

بعدين ودوني الممرضات لغرفة العمليات .. و هناك كانوا ممرضات التخدير يجهزوني للعملية .. و حطوا على فمي كمام الأكسيجين و ما حسيت لنفسي .. بعدها صحيت في غرفة الإفاقة و كنت برداااااااانة و متألمة .. و حطولي البطانية اللي مثل الدفااااية اللي تشتغل على كهربا .. و ضليت في غرفة الإفاقة تقريبا ساعة و نص .. كنت نص صاحية و نص نائمة ما اذكر شي .. بعدين ودوني لغرفتي ..

و حطولي مسكنات في الوريد و مضاد حيوي .. و طبعا في أنابيب طالعة من كل صدر لتصريف السوائل الزائدةولأنهم يحطون محلول ملحي و بنج سائل وقت العملية ..
و العصر جت الدكتورة و قالت العملية كانت ناجحة و جميلة جداً و راح تنبسطي على النتيجة .. و سألتها هل الحلمات مثل بعض في الشكل و الموقع ؟ قالت اكيييييد و لا تخافي و فيه حلمة اكبر من حلمة و صغرتها لك .. 
طبعا نمت في المستشفى ليلتين .. خلوا القسطرة يوم كامل لاني ماقدر امشي و اروح الحمام .. وفي اخر يوم شالوا أنابيب التصريف .. و عطوني مضاد حبوب .. و حبوب مسكنة للألم وقت الحاجة .. 

و حاليا أنا بالبيت صدري ملفوف ب بلاستر قاسي مثل الجبس .. و ما احس بألم الا اذا قمت وقفت احس مثل الدبابيس تحت الصدر الظاهر مكان الخياطة .. .. المفروض ما اتحرك كثير او احمل شي ثقيل او اقوم باي مجهود .. عشان الجروح لا تنفتق .. و في النوم أنام على ظهري فقط .. و الاستحمام أغسل من البطن و نازل و امسح نفسي باسفنجة من فوق عند الرقبة و الذراعين .. 
 
عطوني موعد بعد اسبوع اروح عشان يشيلوا اللفة و يلبسوني مشد طبي .. بس ماراح أخذ المشد من عندهم لانه ارخص من برة .. 
و بعدها اضل لابسة المشد لمدة شهر .. 

للعلم أنا ساكنة في الشرقية
اسم المستشفى بروكير اللي عند مجمع الظهران
اسم الدكتورة عطف محرزي .. تونسية فرنسية لطيفة و حبوبه و عندها خبرة .. أنا ارتحت لها و حسيتها نصوحة .. ف رغم ان الحشوة تكلف 8 الاف زيادة لكنها قالت لي ما تحتاجي حشوة ..

و ان شاء الله أنا متواصلة معاكم عشان اقول لكم ع النتيجة .. ادعولي اشوف نتيجة ترضيني .. و اي سؤال أنا حاضرة .. و اتمنى اكون أفدتكم ..