جامعية طفشانة @gamaay_tfshan

محررة برونزية

تجربتي العجيبة اللي أبهرتني مع سورة البقرة .. :)

السسسسلآآم عليكم ..

أهنن أهنن بالحوائيات الجميلات ..

حياكم الله وصباحكم فرج وسعـآده .. :02:

أول شي أتمنى من المشرفات ماينقلون الموضوع لقسم ثاني .. انا تعمدت انزله هنا لكثره المشاهدات والردود

خلوووه هنا عشان الاستفاده تشمل اللكل وتعم .. الله يعافيكم

بنـآات أنا من شهرين تقريبا تعبت شوي وصرت أحس بضيقة صدر ووجهي باين عليه التعب

وأحس بنفور شوي من الصلاة وعصبية والم بجسمي .. وزي هالاعراض ..

حسيت ان الوضع مب طبيعي .. وهالشي هذا جاني بعد كلام حرمة لي .. كنت أدرس الترم الأول بدار تحفيظ العصر

فكنت أصلي بالحضانة وكذا يافلانه أخبارك وهي تسألني وكل يوم عن يوم سوالف بسيطة صار فيه أريحية بيننا بالكلام

لحد ماجاء ذاك اليوم وقالت يافلانة انا حبيتك وأني كل مارحت لاناس قلت لهم فيه بنت بالدار عاجبتني بخطبها لولدي

المهم بعدها انا تعبت وتغيرت وعشان مااظلمها فيه كلام من غيرها يعني .. بس كلامها جاء بالصريح لي عرفتو

اللي صار اني .. كذا ومن ربي حبيبي الهمني واعطاني حماس اني أقرا سورة البقرة يوميا كاملة ..

وأنا والله وددي وددي اقراها والتزم دايم عليها بس اقراها يومين ويجيني فتور واتركها لكن هالمره هذي لا شي غير

ربي مدني بالقوة والحماس وبديت اقراها من بداية شهر 2 اللي فات ليومكم هذا مستمرة عليها يوميا

ببداية قرائتي لها كنت أتثاؤب وأنام والمصحف بيدي غصب شي يغمض عيوني مع ان مافيني نوم

ويجيني ملل بالقراءة .. لكن اغصب نفسي الحمدلله ..

ومرت فترة وأنا ملتزمة عليها وصار يطلع لي بالمنطقة الحساسة الله يكرمكم حبوب كثيرة حمراء وصغيرة المنطقة صارت مليانة حبوب مررررره وحتى المؤخره كلها حبوب .. وهذا اللي فسرلي ان فيني عين استقرت برحمي وتنمعني عن الزواج يمكن .. لأني قبل أبدا أتعالج واقرا البقرة انخطبت مره وبيجي لبيتنا زياره وكذا قبلها بيوم انا تعبت مره وضيقة صدر وجسمي صار ثقيييل ومنسدحة طول اليوم .. ودووووخة قوية والحمدلله اللي من ربي رضا بس بوصلكم كيف فسرتها ان فيني عين تمنع عن الزواج وبعد كلام الراقي لي .. ان فيني عين حرمه تصدني عن الزواج

المهم وجسمي زياده على المنطقة انتشر حبوب ووجهي ودمامل بس مو كثيرة .. وعروق يديني ورجولي صارت بارزه

وهذي نعمة لأن قرائتي للبقرة صارت تبين وتأثر على جسمي بعد ربي سبحانه

ايييييه وأقولكم عاد جتني مره الدورة بالوقت اللي انا اقرا فيه البقرة .. واول يوم نزل دم أسود وريحته زي الكهرب
سبحان الله استغربت قلت الحمدلله شر خارج .. وبعد الدورة احترت أغسل ولا لا لان جتني استحاضة وطولت حيرتني

والحمدلله قريت بمنتدى الخليفة أن الاستحاضة ع الدم الاسود علامات خروج للعين المستقره بالرحم .. :40:

وايضا يابنات من كم يوم صاير يطلع معي الله يكرمكم اسهال اسود والوان ثانية كلها تدل على الخروج ..

والحمدلله أحس نفسيتي متحسنة ومرتاحة .ماشاء الله . الحمدلله الحمدلله الله يتمم لي ع خيررر

هذي تجربتي يابنات مع سورة البقرة اللي الى اليوم هذا تميت أكثر من 50 يوم أقراها يوميا

جدا ممتعة واحس برااااااااااااحة وصرت مااقدر استغني عنها وصارت شي اساسي بيومي زيها زي المويه والنوم .. الحمدلله لولا اعانة ربي لي ماكان قريتها واستمريت .. أححبك ياربي

وهذي تجربتي الشخصية .. مع العين وسورة البقرة .. وأفكر ماااتركها طول عمري والله اهم شي الراحة النفسية والسعادة مبتغى أي شخص بالحياة .. والله يزيدنا قرب لله ويرزقنا لذه الطاعة والانس بقربه امييين

بالنهاية دعواتكم لي الله يشفيني شفاء تام وييسر لي اخذ اثر من الحرمة ..

فوتكم بعافية والله يسعدكم ويشرح صدوركم ويحقق أمانيكم

200K

يلزم عليك تسجيل الدخول أولًا لكتابة تعليق.

تسجيل دخول

لولوالامورة • 11 سنة

جزاكي الله خير فعلا سورة البقرة عجايب كثيرة مايعرفها الا الي جربها

J&f, • 11 سنة

ماشاءالله تباارك الله
بصراحه مووضووعك حممسني مرره لقرأة سورة البقره يومياً
بديت فيها اليوم بس قرأت جزء ونص وسوس لي الشيطان وقلت بعدين بكمل
بس ان شااءالله من بكره بقرأها كااامله
دعووااتك يالغاليه🌹

جامعية طفشانة • 11 سنة

مشكورات حبيباتي ع الرد .. اختي جي صدقيني قرائتها ماتأخذ وقت ابد ساعة الا 10 دقايق وانتي مخلصتها .. استمري فترة وشوفي النتيجة بعينك الله يسعدك ويوفقك

بريق الألمآس .. • 11 سنة

الله يتمم شفاءك يارب ويرزقك بالزوج الصالح
فعلا المداومة عليها تريح كثير
الله يعيني استمر وأداوم على قراءتها

حلوه وسنعه • 11 سنة

موضوعك محمس ..جزاك الله الف خير