تجربتي الفاشلة مع جهآز !no!no لإزاله الشعر

كملت على الساقين ولاحظت ان الشعر يحترق, وبعضه يتكسر ويصير قاسي..
شعوري حزتها لآآيوصف!
:42:

بعد ماخصلت,
دلكت المنطقه بالقطعه اللي ويا الجهاز.. دائرية وخشنه بعض الشي..
*واضحة في الصورة الاولى*
التدليك لازم بشكل دائري, ولاحظت ان الشعر اللي احترق طاح على طول..

خلصت المنطقه كلها في وقت قصير..
وبقى كم شعره هنا وهنا.. بس النتيجه الاوليه مبهره..
:35:

تحمست بعدها وعلى طول كملت على منطقة الابط..
بس للاسف مالاحظت فرق كبير مثل منطقة الساقين,
لان منطقة الابط مو متساويه مثل الساقين وفيها انحناءات..
والجهاز اذا واجه انحناء على سطح البشرة يوقف مايشتغل.. *خاصية امان*
حسيت بـ احباط..
:44:

غيرت راس الجهاز, وحطيت الراس الصغير وهو خاص بالبكيني والوجه..
مررته على الخدين لان عندي شعر خفيف.. والنتيجه كانت خيآآآآآل!

بس ماكانت رائعة لما مررته على منطقة مافوق الشفايف..
لان فيها انحناءات ولانها ضيقة, حسيت بلسعات اقوى,
واحترقت حرقه صغيره على طرف الشفاة, عورتني الصرآحه..
:09:

اول تجربه للجهاز كانت مشجعه نوعا ما, وكنت مستانسه..
:27:

انتظرت اسبوع تقريبا وبدا الشعر ينمو من جديد على الساقين..
وعلى طوووول مررت الجهاز..
اما الوجه الصراحه الشعر طول لين نبت مره ثانية بين 3 أسابيع الى شهر!..

بشكل عام المنطقه اللي حسيت اني عالجتها بشكل متكرر هي الساقين..
كنت استخدم الجهاز كل مالاحظت ان الشعر ظهر..

اما وجهي, سويته مرتين او ثلاث والتجربه جميلة الحمدلله لفترة طويله..

يمكن تسألون عن اي مناطق ثانية, مثل المناطق الخاصه,
ف اقولكم ابدا ماينفع لانها مثل الابد..
لانه اذا زاد انحناء البشرة زادت لسعات سلك الكهرباء ونسبة انه يحرقج :44:
بعد خمس الى ست شهور.. الشعر مازال مستمر بالنمو,!
عكس كلامهم اللي ف الاعلانات واليوتيوب..
عرفت انه كذب ومزيف..

لاوالموت اني بديت الاحظ اشياء سلبيه..
بعض شعر الساقين صار اسوووود بزياده وغليظ, ومن اول لونه كان خفيف نوعا ما..

وبدى ينبت تحت الجلد :


ادري الشكل شنيع!
:06:
شعر تحت الجلد, وشعر متكور..
وغير عن التوام السيامي *الشعرتين* اللي ماعرف ظاهرة سبة الجهاز ولا قبله :09:

والله ندمت من قلب.. ماكانت عندي هالمشاكل قبل او علاقل ماكانت هالكثر!
الشعر صار متكور تحت الجلد بشكل اكبر..
وينبت تحت البشرة السطحية.. يعني ينشاف بس ماقدر اشله..
شي يقهههر..
صرت اسوي تقشير واستخدم الملقاط.. وجرحت عمري اكثر من مره سبة هالشي
:06:

يتبع..

والطامه الاخرى, ان الشعر صار ينمو بشكل عشوائي..


قبل كان ينبت على طول..مستقيم وناعم..
والحين متكسر وكل شعره طايره ف صوب
:06:
مادري اضحك ولاأبكي؟
اضحك ولاأبككككككي؟

اللي قاهرني, يوم كنت اسوي بحث عنه, محد كتب تجربته..
كلهم مدحوه وعقب سكروا الموضوع..
هذي مشكلة منتدياتنا يالعرب..
محد صريح, ونتكاسل ان حنا نحذر غيرنا..

لذلك قلت بحط تجربتي حتى لوكانت خاصه جدا وتفشل..
بس لاني مااتمنى ابدددا انها تصير لحد غالي وبالاخص لكم..
يكفي نصب, نضيع فلوسنا ونعرض انفسنا لمشاكل اكبر..

وعلى فكرة, صح ان تجربته على وجهي مرضية..
بس ترى لاحظت شعره ف خدي الايسر تحت الجلد..
واصعب من الساق, ماقدر اطلعها..
:44:

ربي يشهد اني نقلت لكم تجربتي بكل مصداقية واتمنى موضوعي ماينحذف ولا حتى الصور..
لازم نكتب تجاربنا ونتعاون, يكفي اشتريته رغم اني قريت انه منتج يهودي..
بس شسوي, الله يسامحني ويحنن قلب امي علي..
وتخليني اخ جهاز ليزر او اسوي جلسات ليزر
:(


اتمنى اني افدتكم بتجربتي,
وانا وقفت استخدامه والحين أحاول اعالج مشكلتي الحالية بالتقشير..
ومتفائلة خير ان شاءالله~


اما ماماتي,
فـ لها جلسه اخرى, لازم اقنعها بالليزر.. لاااازمـ ..
:44:


دعوأتكم لي بظهر الغيب ان الله يشفيني من الاكزيما
:26:
ألميرآ

حبيبتي جزااااااااااااك الله خير عالتنبيه
ماااااااااااااقصرتي
وان شاء الله امك تقتنع وتسوين الليزر
ويخف الشعر اللي عندك

ياشيخه الله يىفع قدرك فالدنيا ويدخلك الفردوس فالاخره قولي امين
الله يرضي امك بالليزر وتنبسطين
فديت قلبك احس تجربتك كاتبتها بكل اماااانه

اشكرك من قلب والله كنت خلاااص على وشك اشتربه لان انا نفس مشكلتك زوجي يقول الليزر مسرطن اه ه خ مدري من وين جابوا هالمعلومه

جزاك اله خير



رفعععع بقوه

رففع