تجربتي الكاملة مع اشعة الصبغة

السلام عليكم ورحمة الله وبركاته
كيف حالكم جميعا اخواتي في الله
يعلم الله اني احبكم في الله عشان كذا بكتب تجربتي كاملة بكل صدق وامانه..
انا يا اخوات لي 3 سنوات متزوجة طبعا مثل كل بنت احلم بالامومة وربي ما كتبلي للان ولعله خير....
المهم بعد الزواج بتسعه شهور رحت اكشف وكشفت على كل شي سليم الحمد لله ماعدا الغدة كسوله شوي واعطوني حبوب وانتظمت والحمد لله .. سويت كل شي ماعدا اشعة الصبغة وثررولي وهي وعطوني معاد بعد شهر من تحاليلي يعني بعد 10 شهور زواج ..بحثت في النت ولقيت كلااااااام عنها زي السم وانها مثل آلام الولادة ولا حول ولا قوة الا بالله وانها جدا جدا صعبه..ما اخفيكم دخلت غرقة الاشعة وانا ميييييته رعب.. ولما انسدحت كانت وحدى ممرضة سعودية الظاهر انها جديدة جلستني هي والممرضات وشفت مقصات وحدايد والرعب قاتلني ما مداها الممرضة تحط الخديدة الا اصرخ ذيك الصرخه اللي المستشفى كلها تسمع قامت قالت قومي ما ينفع ابدا ابدا انتي معاك فوبيا..وفعلا بعدها مابى اسوي شي ...حتى مسحة عنق الرحم مابي..وتسود الدنيا بوجهي واصرف نظر عن الموضوع تماما.عدا الشهر بعد الشهر وانا ما حملت والدكاترة يقولو لااازم تسوي اشعة الصبغة..وانا كل مابسوي تنشيط يقولو لازم ندخل الجهاز اللي يشوف حجم البويضات وانا مابى شي يدخل من تحت..اصلا من يجيبو طاري الموضوع تحس لا شعوريا بألم بالمهبل ..الين ما زوجي قال لحد هنا وبس 3 سنوات ما تقدمتي خطوة كله بسبب خووووفك وقام يصارخ وشالني ووداني لاستشاري وحكاله كل الموضوع من طقطق لسلام عليكم..قام ابدكتور قاب زوجتك معاها فوبيا ومرض نفسي وديها لطبيب نفسي.انا صراحة زعلت حيييل من هالكلام معقول مافي حل..قام الدكتور قال خلها تسوي اشعة ابصبغة ببنج.. وانا ما صدقت لما عرفت انها ممكن تتعمل ببنج طوالي اتصلت على كل مستشفيات جدى وقررت احجز وحجزت عند اماني شلتوت بمراكز سكير عباس..
وارحلهم طوالي بعد الدورة وقالو ادفعو 500 ودفعنا ولما رحت الرسبشن قالو للاسف دكتور اماني اخذت اسبوع اجازة وفي بديل عنها دكتورة فاطمة زينهم ورحت لها وشرحت لها الموضوع كامل واتعاطفت معي وقالت الجانب النفسي مهم جدا جدا لكن هنا ماعملها ببنج تعاليلي بكرة بمستشفى عرفان اعملها لك ببنج والادوات هناك احدث بكثير من هنا
رحتلها اليوم الثاني على طةل بمستشفى عرفان ودفعت 770 ولما دخلت الغرفه فعلا كانت مجهوة باجهزة احدث من الحكومي وسمير عباس وكانت قمة قمة بالرقي والذوق والاخلاق الله يسسسسعدها يارب.قامت سدحتني وقالت بصي بئاة اعملها لك من غير بنج ولو تألمتي اﻻجعلك فلوسك.قمت اعترضت وقلت مابي انا غير انا اتعب..قالت والله اقدر اسويها ببنج لكن لو سويتها ببنج راح تعيشي بهالوهم طوووول عمرك واواعدك ماراح تتألمي وقلتلها من اصرخ توقفي قابت طيب وقرأت قرآن وبدأت بكل رقة وتدحل الااداء بشووييييييش ولت حسيت بشي الحمد لله وتدخل الابرة ووالله شي جدا جدا عادي..وتدخل المادة وتحقنها اقسم بالله زي ألم الدورة بابظبط لما تحقن المادة الشغلة كلها 3 دقايق بس وألم جدا جدا جدا عاااااااادي وطلعت سليمه الحمد لله....يااااااه تأخير وكا اخذ منشطات ولا اكشف على الالتهاب ولا ابى اتقدم خطوة كله بسبب الخووووووف وكلام الناس..
الانسان مؤتمن على كل كلمة يقولها والمؤمن يا يقول خير او يصمت .. وهذي قصتي كاملة اتمنى من كل وحدة ما تسمع لاحد واللي تقول شفت الموت بعيوني واللي تقول بغى يغمى علي...اتمنى اكون افدتكم عزيزاتي والدورة القادة ببدأ باذن الله اول كورس تنشيط كلوميد وكشف مبايض والله يرزقني ويرزق الكل يارب..