السلام عليكم ورحمه الله
بأحكي لكم قصة ولادتي في مستشفى العسكري الفاشل
في يوم من الايام صحيت من الألم ورحت للمستشفى ولما كشفوا علي قالت الرحم مفتوح واحد سانتي بس ارجعي للبيت مافيه ولاده
وفعلآ رجعت والألم مستمر
وثاني يوم زاد الألم ورجعت ثاني وقالت لي 2سم وبعد قالت أرجعيوامشي وترجيتها أجلس لأني خايفه وما أهتمت وقالت لي امشي وبس
وثالث يوم نفس الحكايه لكن المره نزلت مني قطعه دم يمكن هي علامة الولاده اللي تقولوا عليها وبعد ما أهتمت ابد وتقول مافيه ولاده امشي!!
كرهت هالمستشفى من كثر ما أروح وارجع طبعآما بحكي لكم قد ايش وقاحه الممرضات واللا مبالاه اللي شفتها منهم لأن اللي ولدت فيه أكيد تعرف
واليوم الرابع ما قدرت أتحمل خلاص ورحت وأنا تعبانه وبكل برود قالت لي ثلاثه سانتي امشي شوي
قلت ما أقدر تعبانه وانا خايفه لأني بكريه لكن للأسف ما لقيت اي أهتمام كانو يشربون كوفي وضحك وتريقه على المريضات
ووحده منهم تقلد صراخ الحريم اللي يولدون تقول أي أي واالله العظيم
وانا نمت على السرير بدون مااخذ رايها وكنت مره تعبااااانه واترجاهم يساعدوني وقلت لها انا خلاص ولاده متى بتدخلوني غرفة الولاده ؟؟قالت مافيه سرير !! مت من الخوف ساعتها
ما أدري وش بيصير فيني:09:
قعدت يوم كامل أعاني بدون اي أهتمام منهم لا كمام تخدير ولا ابره فخذ ولا أبر ظهر ولا أي شي من اللي سمعته او قريته عن مسكنات الولاده
وبالأخير يولدوني قابلات في الأستقبال تركوني فار تجارب وقصقصتني من كل مكان بحجة اني انا اربكتهم وكنت أصارخ وتركوني مفتوحه ودخلني الهوا
وبالأخير نهاية التجربه المأساويه هذي يخيطني:arb:
أقسم بالله ماكنت اعرف ان في السعوديه أطباء نساءوتوليد الا لما دخل علي يخيطني
اسمحولي ماأكمل وش صار لأني وقتها دخلت في غيبوبه
لكن ادعوا لي لأني لليوم أعاني نفسيآ وجسديآ
أختكم \\ غلا:26:
حلمي ف عيونه @hlmy_f_aayonh
عضوة فعالة
يلزم عليك تسجيل الدخول أولًا لكتابة تعليق.
الحمدلله على سلامتك يا الغلا وان شاء الله تنسين وربي يوفقك المره الجايه في ناس احسن منهم
الحمدلله على سلامتك
حسبي الله عليهم صدق مايخافون الله
الله يقومك بالسلامة واهتمي بنفسك
الله يكفيك كل شر يارب,,,
حسبي الله عليهم صدق مايخافون الله
الله يقومك بالسلامة واهتمي بنفسك
الله يكفيك كل شر يارب,,,
الصفحة الأخيرة
ماقلتي في اي عسكري الرياض والاجده لاني افكر اولد فيه