تجربتي المؤلمه مع خل التفاح الطبيعي كللللكم اقروها

السلام عليكم ورحمة الله
اول موضوع لي بالقسم هذا ،،كيفكن ياحلوات يارشيقات المستقبل باذن الله
انا وحده سمعت ان خل التفاح يشد وينحف ويشيل الخطوط ويشرب مع كاس ماء بارد
قلت خليني اجرب صح ان وزني كويس وطبيعي لطولي بس ترهل بطني بعد قيصريتي بتوأمي الله يخليهم متعبني رغم انه تعدل كثير ومحد يلاحظ بس لازال مترهل ويرج  رج وقلت ابشربه مع التمارين
بديت بخل الرمحين تقريبا 3 اسابيع بعد الغدا والعشا مقدار غطا في كاس مويه بارده
وخلصت العلبه وحسيت جسمي نحف شوووي بس(صراحه محد لاحظ بس انا اقول يمكن) ههههههه 
وقلت ياله العلبه الثانيه واجيبها بعد ماريحت خمس ايام جبتها ليلة السبت وشربته بعد العشا وصرت ازود اكثر من الغطا بشوي بس
وصحيت الظهر وشربته بعد االغداء
العصر حسيت بألم ببطني تجاهلته
العشا زاد وصارت اخلاقي تعبانه
الالم مو مغص ولكن اذا تنفست بقوه او مشيت او ضحكت او عطست يأأألمممم 
وساكته ومتحمله خايفه من زوجي لكن ماقدرت وقلت له وهاوشني بالبدايه ماكان راضي اخذه لاننا قرينا بالنت البعض سبب لهم قرحه وتقرحات وحرقه بالمعده على انه فيه ناس تستخدمه وماشيه معه اوكي
لكن باعتقادي بيجي يوم ويضرهم شهر شهرين ثلاث حسب تحمل المعده انا بس شهر 
ضاق صدري واقرا ذيك الليله عن القرحه بالنت وندددمت اشد النددددم  
بالليل خف شوي وخذت بنادول وخذت قشرر رمان مع ملعقة عسل ونمت وصحيت بعد الفجر والالم رجعلي يعوررني  ويقطع في بطني اي اي وزوجي استأذن من دوامه وحجز لي عند استشاري باطنيه
ورحت وقالي بداية قرحه وعطاني دواء لمدة شهر 
صرااااحه كلامه عين العقل

اول شي الخل فيه ماده كاويه وحامضه ولو ان الرسول صلى الله عليه وسلم كان ياكله بخبز وايضا باعتدال مب باليوم مرتين وثلاث
انا رميت العلبه بالزباله والله اهم ماعلى الواحد صحته جعلكم ماتحسون باللي حسيته الم يقطع في بطني تقطيع  والله ماعاد فيه شي يسوى بس ابي استرد عافيتي مايعوضها شي بالدنيا بصراحه  ورحمت نفسي لان جنيت عليها

هذي قصتي بين يديكم
للعظه والعبره
الله يارب يشفيني ويخليني لعيالي ويخليهم لي والجميع يارب 
وعلبة الخل سيداااااااااا للزباله تكرمون