تجربتي ، الماسك العجيب 😍

السسسلام عليكم..
بنااات بقولكم تجربتي توها طازه بالعيد😂
تعرفون اخر رمضان يادوب الواحد يلحق وسحبت ع جدولي العنايه للشعر 🥲 ليلة العيد سويت ماسك بصراحه اسميه الماسك العجيب والمنقذ اطلق ماسك جربته وجاب نتيجة بعد الاستشوار و اول مرا اجربه لكن من زمان يمدحونه ومعروف انو الموز كويسس للشعر ..

الطريقه: حطيت المتوفر عندي لكن الاساس الموز 👌🏻 خلطت موز مع شوية زيت اي نوع مع شوية عسل مع ملعقتين او ثلاثه مويه عشان ينخلطو بالخلاط وبعدها صفوه من القشر عشان مايلصق بالشعر واخر شي اختياري زيت عطري .. نص ساعه عالشعر بس انا خليته ساعه لما خلصت اشغالي قسم بالله يابنات لما استشورت شعري صار سايح من النعومه وفيه ثقل ولمممعه جربوه وادعولي وربي يفك ازمه..
طبيعة شعري لما استشوره عادي زي اي شعر مستشور لكن بعد الماسك صار فيه نعومه زايده مادري كيف اوصفها والكل لاحظ اللمعه 😍
ولازم تعرفو الشعر انواع والعنايه برضو لها دور بجمال الشعر بعد الاستشوار 👍🏻