تجربتي المذهله مع أرجوانة عسير*****الله يحرم وجهها عن النار

السلام عليكم / كيف حالكم يابنات
انا ابدخل في الموضوع مباشره ولم اقصد من ذلك إلا حصول النفع والفائده للجميع والشكر لله ثم للاخت أرجوانة عسير التي انارت دربي في اشياء كثيره في نزول الوزن بعد ماكنت اعاني من ثباته
المهم انه في يوم من الأيام فتحت قسم السمنه والنحافه زي كل مره بس هالمره غير حيث وقعت على موضوع وحده من الأخوات وهي تستفسر عن كيفية انزال وزنها وكان فيه رد من ألأخت ارجوانه انها تراسلها على الخاص وأنا أروح طيران وأسبقها وارسلها على الخاص وكان الكلام هذا قبل أربعه أيام وبالفعل الله يجزاها كل خير تابعتني بكل صدر رحب وكان والله العظيم وزني ثابت له اسبوع ومو راضي الميزان يتحرك عن 101ك مع اني حارمه نفسي حرمان لدرجة اني أصوم وماأكل إلا وجبه وحده ومع ذلك موراضي يتحرك وبعد ما عطتني ألأخت ارجوانه المعلومات والطريقه الصحيحه لأتباع البرنامج والله يومين ونزل وزني الى 99ك يعني بيومين كيلوين نجي للزبده


البرنامج اللي اعطتني اياه مافيه حرمان ويناسب فصيلة أو + كان الفطور عباره عن بيضه مسلوقه و2حبت تست بر وخضار ورقيه وكوب عصير البقدونس قالت انه يذيب الدهون
والغداء والعشاء من الأطعمه المسموح والمناسب لفصيلة دمي
وقالت اشربي ملعقة زيت زيتون على الريق وبذرة الكتان وأعطتني شاي اعشاب مكون من ( مردقوش - ومراميه ورجل ألأسد )وبينت لي امور كثيره خاطئه كنت اتبعها وكانت هي اللي مثبته وزني
والله يابنات اني استفدت منها كثير ونقلت معلوماتها لخواتي والحين ماشين على كلامها وتستحق انها تكون أخصائية تغذيه ونقلت لكم هالكلام للفائدة وماأبيكم تصيرون مثلي والله اني ضيعت وقتي وعمري برجيمات بدون فائده الى ان دلني الله على هذه الأخت والله اني ماأعرفها ولا تعرفني مجرد رسائل على الخاص واني ادعيلها من كل قلبي ان الله يوفقها وينور دربها ويسعدها ويفرج لها دنيا وأخره ويرزقها ماتتمنى عاجلا غير اجل أسفه على الأطاله ولا تنسوني من دعواتكم الطيبه هذي لكم:26: