كوبونات الراقية تسجيل الدخول

نسكافية الكويت

تجربتي المريره مع خلط الزيوت؛وجدولي الجديد

العناية بالشعر •

السلام عليكم بنات حواء:انا قبل شهور بعد ولادة بنتي الثالثه جاني تساقط بالشعر.بتقولون ممكن عشان الحمل ووالولاده؟صح كلامكم بس انا زدت الطين بله.كنت اتصفح النت والقى موضوع وحده كاتبه عن خلطة زيوت واعشاب ومن ضمنها زيوت هنديه .اذكر اسم موضوعها(علشان تجلسي على شعرك)عاد انا جاني بلا وجلا ركض للحواج واخمط بهالزيوت وخلطتها وخمرتها وحطيتها على شعري وحسيت بحراره مزعجه عالفروه ويوم غسلت شعري والله يابنات قام يتساقط شعري.قلت يمكن هذا الشعر الميت او شعري ماتعود عالخلطه؟يعني قمت ادور اعذار لنفسي.لكن وقفت هالزيت بعد ثالث استعمال.لان شعري قام يتساقط بالهبل وبالخصل لدرجة بكل مكان امشي فيه القى شعر وكل شوي اكنس الشعر.وربي يتساقط بشكل مفزع لدرجة جوانب الراس خف الشعر وبانت الفروه عالخفيف انا هني تعبت نفسيتي والله يابنات الشعر نعمه من الله ولازم نهتم فيه علطول مو شهر ولا شهرين وخلاص. اول شي سويته رحت حللت الدم والغده واخذت مكملات غذائيه لاني توني ماصارلي كم شهر على ولادتي.واغذي نفسي من الداخل اكل عالريق 7تمرات عجوه واحيانا اذوب ملعقة عسل اصلي بنص كوب ماي دافي واكل كل يوم سلطة جرجير وبقدونس وطماط وجزر وخيار هاذي نصحتني فيها دكتوره سوريه تقول هذا سر نضارة بشرتنا وشعرنا.ورجعت لجدول حريمنا اول.كل اسبوع احط سدر على شعري اعجنه بمغلي البصل واحط ملعقة قرنفل مطحون وملعقة عسل اصلي وشوية زيت عافيه. اخليه ثلاث ساعات واغسله بفاشكول بالثوم بس اخليه عالشعر بدون لايجي الفروه والجذور لانه يضر اذا جا عالفروه.واذا نشف شعري حطيت زيت براشوت اكون منقعه بالعلبه ملعقة محلب وسويده وحلبه مطحونين اخليه عالشعر ساعتين واغسله زين بشامبو طبي من فيتشي مع البلسم.بعد الاستحمام ابخر شعري زين واخلي ينشف شوي وبعدين الف شعري بطريقة الطاقيه واثبته بالماشات السوده او البنسات عشان تفهمون علي.اخليه اربع ساعات وافكه يطلع كنه مستشور.ومره بالشهر اضيف على خلطة السدر 7ملاعق حنه لاني اموت عالحنه.كنت احط بشعري المشاط بصراحه روعه بس قطعته لانهم خوفوني منه.وكنت بأي خلطه اسويها اذكر اسم الله واقرا المعوذات وحتى لما امشط شعري.والحمدلله وماشاء الله تحسن شعري وخف التساقط بشكل عجيب وطلعت منابت للشعر وطال شعري.يارب تديم هالنعمه هاذي الطريقه بستمر فيها علطول وان شاء الله هذا راح يكون جدول بناتي اذا كبرو.انا كتبت هالموضوع حتى تعم الفايده ونستفيد من بعض.وترا مافي احسن من طريقة امهاتنا وجداتنا بعنايتهم بالشعر.واللي استفادت من موضوعي اتمنى ماتحرمني من دعواتها الطيبه بظهر الغيب. وأخر كلامي الحمدلله والشكر لله ولا أله الا الله
10
3K

يلزم عليك تسجيل الدخول أولًا لكتابة تعليق.

تسجيل دخول

رعشة اهداب
رعشة اهداب •
صادقه اختي

من جد مو كل خلطه تصلح الشعر

والاساس من الداخل خضار وسلطه وفيتامين
وبعدها الزيت المناسب
وربي يهنيك بالمولوده وبشعرك يالغلا

الا على طاري

وش خوفك من المشاط

هو الزين للشعر بالذات الاصلي شغل الحريم
نسكافية الكويت
نسكافية الكويت •
تسلمين عالرد؟بيني وبينك تموت عالمشاط وريحته لانه يذكرني بريحة امي عسى عظامها للجنهو يجمعني معاها بجنات النعيم.قالولي يحت الشعر ويطيحه.الحريم رفعو ضغظي ماخلو شي الا وقالو يطيح الشعر.النا اجيبه اصلي من حفر الباطن وشكلي برده؟ياليت اهل المشاط يفيدونا بالنصيحه الطيبه
رعشة اهداب
رعشة اهداب •
نسكافية الكويت نسكافية الكويت :
تسلمين عالرد؟بيني وبينك تموت عالمشاط وريحته لانه يذكرني بريحة امي عسى عظامها للجنهو يجمعني معاها بجنات النعيم.قالولي يحت الشعر ويطيحه.الحريم رفعو ضغظي ماخلو شي الا وقالو يطيح الشعر.النا اجيبه اصلي من حفر الباطن وشكلي برده؟ياليت اهل المشاط يفيدونا بالنصيحه الطيبه
تسلمين عالرد؟بيني وبينك تموت عالمشاط وريحته لانه يذكرني بريحة امي عسى عظامها للجنهو يجمعني معاها...
ياحليلك انا بلشانه بعمري ابي اجيبه من حايل او الحفر بلشت لانه بالشرقيه خرطي يكون مغشوش

شغل البدوان الحريم هو الزين

ولا عمري سمعت انه يحت

الا ريحته خياااااااااااال <<<<بدويه اموت بريحته

وعماتي شهورهن للركب على المشاط والحنا

:icon33: وانا من طحت اصبغ مالت على وجهي خربت شعري

لكن بديت اتلاحق نفسي
وعسى يرجع مثل اول
وتوووووووووووووووووبه صبغات

ويرجع قمصوعي هههههههههههه
رعشة اهداب
رعشة اهداب •
والله يرحم امك ويسكنها ربي الجنه
نسكافية الكويت
نسكافية الكويت •
جزاك الله كل خير ويسعدك دنيا ودين عالدعوه الطيبه.شجعتيني ارده.والله يالطيبه لو بكيفي كان ارسلته لك بالطياره ههههههههههه حدي مجامله.والله مالعب بشعورنا غير الصبغ.ياحلو المشاط وريحته واللي يحطونه .الف شكر لمرورك