حبيبتي انا سويت كل شي عشان مايسهر ومنافع اول شي كنت أسوي مثلك وأقول اخاف لوحدي وليه تتأخر ووو بعدين صرت اطنشه وأسوي نفسي نمت اذا رجع بعدين صرت أسوي مثلك أودعه زين واستقبله زين وما أسأله وينك مانفع لحد ماصار يتمادى وأقال اذا معجبك اهلًا وسهلا مو معجبك وضعي الباب يوسع جمل

الله يجزاكم خير ..
اميره حبيبتي انا بكملك وجربي وشوفي النتائج...

اكملكم المهم ..
كلنا نذكر كيف كان شهر العسل الاغلبيه كان يجنن طيب سيبوكم من شهر العسل ايام الملكه بالله كيف كانت برضو روعه بعدها يبدأ الشخصين بإختلاف وجهات النظر وكل واحد يبغى الثاني ع مزاجه فمن اول اختلاف ننصدم وتصير مشكله ليش لأن اغلبنا مجتمعنا مغلق مانفهم الرجل اتربينا وكبرنا اختلاط ماعندنا فالرجل يختلف عن المرأه في التكوين وفي كل شي فتكثر المشاكل بداية الحياة الزوجيه بس بعد سنين تقل لأننا فهمنا بعض اختصر عليك الطريق واعلمك والله العظيم الرجل كالطفل بيدك تخليه يشوفك كل شي بحياته بتقولي كيف ؟؟ اعلمك زوجي كان مايصلي ومدمن اغاني واشياء كتيره وسبحان الله ماشاءالله تبارك الله اتغير بالنقاط اللي اتبعتها فوق وازيدكم حسيت نفسي كنت نكد مغلقه عليه وكاتمته بكثر الإهتمام بقولك الشي اذا زاد عن حده انقلب ضده كنت اقوله انت ليش بس ماسك الجوال انت ليش اصحابك يهموك اكتر انت ليش مخليني اخر اهتمامك كان يحس انه مخنوق مني فيخرج من البيت مسحت من قاموسي كلمه ليش وليش صار ادا دخل البيت يلاقي حب واهتمام وكلمة ليش ماتنسأل لو مسك جواله امسك جوالي صار يحط الجوال عشان يهرج معايه طيب نجي من ناحية الدين والصلاه لجأت لربي كنت كل يوم اقوم الليل وافرش سجادتي وادعي ربي يسخره وليه ويهديه والاهم ان ربي يرضى عني والله ماكملت شهر سبحانه صار مستحيل يترك فرض هداية ربي والاغاني مايسمعها سبحان الله الهادي
كان ادا عصب والله ابتسم بوجهه ابتسامه بريئه يضحك مع ان شخصية زوجي قوية عصبي جدا حقود صار واحد تاني يارب لك الحمد سويت قانون في البيت ادا احد اخد بخاطرة ع الثاني مدة نص ساعه بس عبال يهدأ ويروح للثاني ويطلع اللي بخاطره
خرجته من القفص اللي كنت حابسته فيه من كتر عتابي وشده اهتمامي الزايد

ماشاءالله تبارك الرحمن
الله يديمها عليكم ولا يحرمكم من بعض :heart:

بجد احتاج مهارات التعامل دي
خصوصاً مع العندي والزعول والحساس والعصبي<<بسس اخلصي :icon10:

اكملكم احنا مشكلتنا الرجال يهز ثقتنا اقولكم كيف كنت اول ادا لبست قصير ومغري زوجي من النوع اللي ماينتبه ابدا كنت اجلس ابكي اوقات واغير ولو حاطه ميك اب امسحه دحين لا زرعت الثقه بنفسي اقولكم كيف صرت البس لنفسي اهتم لنفسي حطيت قائمه الاساس انا والثانويات زوجي اطالع في نفسي في المرايا اقول انا حلوه ليش يحطمني واتشيك والبس لنفسي وابعد الفترات مثلا اول كل يوم لبس غير وميك اب شكل صرت كل يومً البس بجامه شياكه ولاروب بيت حلو وشورتات يعني الفساتين القصيره والتنانير المغريه البسها كل اسبوع مره او كل اسبوعين يوميا اتشيك شياكه خفيفه روج بلاشر كحل واسوي حواجبي صرت لين البس لبس حلو زوجي ينبسط وينتبه ليش لأن ليه فتره مالبست كدا كنت امدح نفسي قدامه احنا مشكلتنا ع نياتنا الوحده ماعندها غير زوجها اوقات تصحيه ع عيوبها مثل واو صرت دبه ولا واو شعري يتساقط فالرجال ينتبه للعيوب مرره لا حبيبتي امدحي نفسك قدامه وصليها السماء وشوفي كيف راح تزرعي الثقه بنفسك طيب بتقولو اش دخل الثقه اقولكم الثقه اساس كل شي تعطيك القوه والجرأه بكل شي وصدقيني الرجال يعب المرأه القويه الدلوعه اقولك مثال : كنت اسبوعيا لازم اسافر لأهله بدون اي نقاش دحين شهريا مره ليش لأني قويه اصر ع رأي بدلع اسبوع اقوله حبيبي مافيني اروح ولو اصر برضو اكون مصره بدلع واترجاه بدلع وصوت مايع واصرار قوي اش يسوي يقول حاضر ماراح نروح خليك قويه بكل شي ادا بغيتي شي بدلع. وقوه اطلبيه وادا عصب وقتها اياك والضعف والحساسيه لا اعطيه بوسه واضحك بوجه والله لاشعوريا يضحك وراح يسمع كلامك صرت مستحيل اخذ كلامه محمل الجد لو عصب اقول دا حبيبي ومااخذ بخاطري ولى اخذت دقايق وانسى وحطيت الاية القرأنيه قدام عيني (الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ (134)