( تجربتي )المنطقة الحساااسةة .

بسم الله الرحمن الرحيم
السلام عليكم ورحمة الله
حابه أبدأ موضوعي بذكر الله والصلاة على نبينا اللهم صل وسلم على نبيك محمدوعلى آله وصحبه آجمعين.

بدون مقدمات يابنات أنا حابه أنقل لكم تجربتي الشخصية بحذافيرها ، والله كل اللي ينذكر بهالموضوع عن تجربة مني أنا ، عشان بس يرتاح قلوبكم ، ..
وزي ماهو موضح بالعنوان ،
المنطقة الحساسة اللي صار لونها ونظافتها ونعومتها وريحتها هوس عند كل فتاة بالذااات العرايس وخوفهم من شريك المستقبل .
أنا من يومي وأنا كنت أشيل بالموووووووس ، وليت أحد نبهني وربكم قرررف ، من الريحة واللون وكثرة الشعر وخشونته ، معليش بتكلم بكل صراحة بهالموضوع ، يابنات الموس هو السبب الرئيسي لسواااااااد المنطقة ، هذا غير البلل والتعرق ، والكتمة وعدم العناية فيها وغسلها .
قبل سبعععة شههور كنت أبحث بالمنتديات عن هالمنطقة ، لانو كنت شايلة هم زواجي وهذه المنطقة ، غير إنو أنا ماني مرتااااااااحه ابد ، حتى ثقة بالزواج على الحديدة ، متوترررررة مرررررره ، وقبل كنت أسمع بالحلاوه والانتقادات حولها ،
وقلت بتوكل على الله وبجربها ، اول مره اجربها خدرت المنطقة بمعجون أسنان وشلتها على ثلاث أيام متتالية ، ياللله يابنااااااااااااااات واللي خلقني حسيت براحة موطبيعية حسيت بإنتعاش حسيت بنظافة ، المنطقة صارت ناااااااااااعمه بشكل ماتتوقعونه ، وخاصة لي لانو كنت أستخدم الموس ، فرق بين السماء والأرض ، صح يوجع شويا بس والله نتحمل عشان النظافةة ، هذا غيييير الريحة،
وبعدهارحت رميت كل الامواس ، وقلت باذن الله ماراح أشيل غير بالحلاوة بعد ماشفت الراحة ، وصرت يابنات أشيل كل شهر مره ، يالله اول بالموس على ثلاث ايام او بالاسبوووع ، وفيه وحدة تحلف تشيل كل يوم بالموس باحد المنتديات ، واللي تبي تجلس تتفلسف عليا وتقولي ترهل وماترهل ، الترهل مع العمر ازا كبرتي بيجيك هذا أولاً ، ثانياً ابلع الترهل ولا السووووووووااااد والريحه والخشونه ، ثالثاً انتي مع اول حمل لك جسمك بيتخرب غير المنطقة اللي تحت بتتوسع والخياطة واللي جربوا عارفين يعني الخراب بيلحقك كذا والا كذا ، فمنطقتك تكون نظيفة فاتح لونها ريحتها حلوه وناعمه أفضضضضضضضل بكثييير من انو ياحبة عيني جالسة تشيلي بالموووس وتبغي السواد يروح وتفتحي المنطقة، اللي ابغى اوصله اللي مايعجبها كلامي بليز لا ترد على هالموضوع قبلكم خواتي جلسوا يخاصموني ويقولون ترهل وتفقدين احساسك ومن هالكلام وكلهم متزوجات ، واللحين نفسهم يستعملووون الحلاوة بس خايفين ، وحده فيهم ولدت والله جسمها خراااااااب ، غير ان المنطقة غامقة ،
لاتقولون ماأسمع النصيحه بس اللي شافت الموس وعمايله ثم جربت الحلاوه بتعرف ، أنا جربت وتوكلت على الله ، والحمد لله بسبعة شهوووور شفت فرررررق حتى الشعر يكون ناااعم ، وعلى فكره المعجون مره وحده استخدمته بعدها صرت اشيل كذا واتحمممل الالم بعد ماشفت الهناء ..
يدك ورجولك لما تشيليها بالحلاوة ببيروح الجلد الميت وتصيرين ناعمه ، فمابالك بهذيك المنطقة؟؟؟؟؟؟

هذا بالنسبة لطريقة شيل المنطقة نجي للاهتمام بغسلها:
قبل كنت استعمل اسكينول بالليمون كل مااستحم بقطنة امسح المنطقة ..
الآن أستخدم صابون فرجتني من العطار برضوا كل ماأستحم اغسل المنطقة ..
لانو اخاف من الشيء اذا زاد ، فصراحة انتبه من البداية فكل شور ليا اغسلها مو كل يوم ، بعدين أجففها وأرطبها بزيت الورد ، سمعت انو يفتح المنطقة وكمان يعطي نعومة ، وجربت والحمد لله مرتاحه مع هالزيت .
كنت أستعمل خلطة ورببببببببي جناااان ومن جد استفدت مننننننها والله يابنات احس مع الاهتمام فتحت منطقتي ، الخلطة اخذتها من وحده والله مدري هنا بهالمنتدى او غيره ، ادعولها وادعولي بكل خيييييير ، وعن تجربة استفدت منننننننننها بس مع الاستمرار. والكسوله منكم تبعد مو تجي بشهر وتقول مافتحت انا استعملتها على شهر 3 وكان برد وتركتها واللحين رجعت لها وبستمر الين اوصل للنتيجة اللي أبغاها
والخلطة كالتالي :
فنجان كبير نشا+ فنجان كبير ماء ورد + فنجان كبير زيت زيتون + 3 ملاعق كبيرة جليسوليد+ فنجان كبير حليب نيدو + ليمونتين.
تخلط مع بعض وتوضع على المنطقة وهي نظيفة وجاااافة .
استعملوها باستمررار ومع الاهتمام راح تشووووفي الفرق .
ملاحظااااااات يابنات خذوها بعين الاعتباار :
1- بعد كل حمام لازم تنشفي المنطقة بمناديل لانو العرق والبلل زي ماقلت مسببات السواد،
انا اشتريت مناديل ورق من السوبر ماركت ، عشان المناديل العادية تذوب فانتبهوا خاصة اللي ماتزوجت .
2- الملابس الداخليه ( الكلوت ) ماالبس الا اذا جاتني الدورة او خرجت برا ، لازم المنطقة تتهوى ومايجيها احتاااااااك .
3- اللي وزنها زايد أكبر عرضة للسواد حاولي تخسسي .
4- المنطقة بعد العناية والاستمرااااااااااار بتصير حلوة وناعمه وبتفتح ، لا تتوقعي بشهوور قليلة راح تصير ناصعة البياض ، بتصير شكلهاا مقبول وبيكون عندك ثقة حتى الريحة بتتتتغير والله تتغير خاصة بعد الحلااااووة ، والله اللحين ماصرت متوترة وخايفه زي اول ، بالعكس عندي ثقة ليوم الزووواج والحمد لله ، وانتي يالمتزوجة يعني بطريقتك وباغرائك لزوجك وبعنايتك بتملكين قلبه ، يعني اهم شيء اهتتتمي وتوكلي على رببببك .
5- اللي بشرتها تتحسس لا تسوي الخلطة او تستخدم اي شيء ذكرته ، كل وحده فيكم فاهمه وعارفه وتعرف جسمها وبشرتها فبليييز انتبهوا بنات الوحده تخااااااااااف من دعاوي البشر ، وحطيت التحذير عشان أخلي ذمتي قدام ربي .

بالأخير :
أدري طولت بس حابه أنقل وأعيش معاااكم تجربتي وأفيدكم زي مااستفدت لانو والله ارتحت وصارت نفسيتي فل ، وابغى لكم الخييير ، وهالاشياء أخذتها من بنات بالمنتدياااات من بعد البحث والتفحص والتجربةة،
ترا تعبت بالكتابةة ، ادعووووووووووووولي
ادعووووووووولي بكل خير ، وإن ربي يتمم زواجي على خير ويعطيني حتى يرضينننننننني، وعقبال كل بنات المسلميييييين يارب .
أي سؤال هنا او ع الخاص أنا حاضرة .

الله أكبر ، الله أكبر