تجربتي الناجحة مع الريجيم ومقاساتي قبل وبعد وبالصور

مرحبا صبايا..
تمنياتي لكم بصحة وعافية ورشاااااقة دائمة باءذن الله



اليوم بحكيلكم حكايتي مع الوزن المتأرجح والرجيمات والبلاااااوي اللي حصلت لي
هههههههههه امحق
المهم
انا ياحبيباتي من يوم انا صغيرة كنت بطبيعتي مررررة نحيفة
لدرجة انو كانوا يسموني زيتونة زوجة بوباي هههههه الله يهديهم بس
بعدين في مرحلة المراهقة بديت شوي امتلي وظهرت التضاريس
لدرجة اني لما كنت بالثانوي كان صدري كبير كني وحدة كبيرة ومتزوجة وعندها عيال ههههه
بس جسمي كان حلو فيه انوثة يعني تقدروا تقولوا مثل شكل الساعة الرملية
مليانة من الصدر والارداف ونحيفة الخصر
كان وزني لين اول سنة بالجامعة مثاااالي 55 وطولي 159
يعني طولي وسط لاطويلة ولاقصيرة
خلصت اول سنة بالجامعة وانخطبت بالاجازة
والحمد لله كنت مبسوووطة حيل ومن الوناسة بديت شوي شوي امتلي بدون ماحس
والكل يقولي انتبهي تراكي متنانة
وانا اقول لاااااااا ابد لاني متنانة ولاشي عاااادي
كنت اكذب على نفسي
وشوي شوي بدت الملابس تضيق ياربييييي
واستمر الوزن بالزيادة لين وصل الى 65
ياللهول صرت بطة مو مناسبني الوزن ابد
وبديت اغير المقاسات
ومع ذلك كنت اكذب على نفسي واقول جسمي حلو
مع اني كنت البس من ملابس خالاتي وهم اكبر مني وعندهم عيال
واقول عادي
بس الطامة الكبرى كانت بزواج اخوي
كل من شافني قالي شكلك حامل من كبر الكرشة ههههههههه
فقلت خلاص
راح اتغير
وتدرون وش صار
وصل وزني 70ههههههههههههه ادري بتضحكون
بس بعدين طلعت حامل
ونحفت حيل بالحمل بسبب الغثيان والاستفراغ المستمر لين الشهر الثامن الله وكيلكم
صار وزني ببداية الحمل 65 بعدين بالشهر التاسع وصل 70
المهم ولدت بالسلامة
ووزنت صار وزني 63 وااااااو بداية مبشرة
فتحمست بصراحة
بعد شهر اكتشفت اني ماقدر ارضع ولدي
كان مايجيني حليب بصدري ابد وصغر صدري حيييييل مع انو كبير
لدرجة اني غيرت مقاس الستيان من 36 dd
الى34d
طبعا مايحتاج اقولكم عن الترهل هههههه
المهم الحماس كان كبير وتشجعت انا وزوجي وسوينا رجيم اتكنز او دشتي
اللي هو ريجيم البروتينات
ماكل غير اللحوم والسلطة والبيض فقطططط
واذا مليت شربت نيسكافية بدون كافييين لانو الكافييين ممنوع بهذا الريجيم
واحيان اشرب كوكا لايت او فيمتو لايت
والله العظيم يابنات النتيجة روعة بشهر واحد بس صار وزني
59
تخيلوا كنت بالاسبوع انزل كيلو
طبعا ممكن بعضكم يقولوا قليل بس هذا هو الصحي وبالنسبة للي وزنهم اكثر مني ينزلوا اكثر وهكذا

بعد كذا اخذت بريك شوي وصرت آكل بس باعتدال
يعدين قريت في هالمنتدى الحلو عن ريجيم الكورن فليكس وماكذبت خبر
رحت شارية جميع انواع السيريال واللبن قليل الدسم وبدأت
استمريت اسبوعين فقط
والنتيجة وااااااااااو مرة شي صرت 56 تخيلوا
هالريجيم الصراحة اللي كتبته الله يجزيها كل خير
بالنسبة لفصيلة دمي O+
عشان كذا ممكن ناسبني الريجيمين مدري بس اسمع من البنات انو فصيلة الدم تتدخل بالموضوع
المهم انا الحمد لله لي 6 شهور ونص محافظة على وزني
عن طريق تمارين خفيفة كل ماسنحت الفرصة وشرب الشاي الاخضر بدون سكر وشرب ملعقة خل مخففة بنص كاس موية بعد الوجبات الدسمة
واحيان اشرب شاي اخضر مع زنجبيل وقرفة وهيل وحبك
هههههههه ادري وع بس يقولون ينحف

بس في ملاحظة بالنسبة لصدري ماصغر ابد بس ترهل كثير ومن كثر ماهو كبير تطلع لي حساسية تحته ودايما احط بودرة جونسون ويخف شوية
وهذا انا احاول كل مافضيت اسوي خلطة القهوة التركية+ملعقتين خل+ عصير نص ليمونة
احس انها تشد شوي بس لسه ماصغر
ادري بتقولون احمدي ربك الحمد لله على كل حال بس صدقوني يابنات
حلات الصدر وسط وبارز شوي
اما الكبير مرة ابد مو حلو
تصدقون حتى اخجل لما اشتري ستيان واجي عند الكاشير
احس المقاس كبييير مرة
الحمد لله على النعمة
ادري غيري يتمنى نص حجمه
وهذي قصتي كلها كتبتها لكم عشان تتحمسوا وتستفيدوا مثل ماستفدت منكم يالحلوين
تذكرت حاجة ثانية يابنات للامانة
ترى ريجيم دشتي يسبب امساك حاد جدا
والله اني ادخل الحمام بالاسبوع مرة واحيان مرتين اكرمكم الله
وحتى لما كنت ادخل الحمام اتعب كثير وتجيني لوعة
والله اني كنت اتذكر الطلق والولادة من التعب
طبعا لانو مافي فواكه
بس في المراحل الثانية من الريجيم تقدري تاكلي فواكه
انا بالنسبة لي سويته مدة ولما وصلت الوزن المطلوب بطلت منه لانو متعب من الناحية هذي


اخليكم مع صور مقاسات ملابسي
قبل وبعد