السلام عليكم ورحمة الله وبركاته
بسم الله لرحمن الرحيم
بتكلم اليوم عن تجربتي الناجحة بالليزك لتصحيح النظر بالتفصيل
My experience with Lasik surgery
من سبع سنوات ونصف بدأت البس نظارة وكان ذاك الوقت نظري مو ضعيف واجد كنت على نهاية سادس ابتدائي وبعدين على مر السنين كل ماجاله يضعف زيادة ويصير أسوأ وكان ودي اسوي ليزك من بدري بس سني ماكان يسمح لي
قررت اسويها بعد بحث طويل وقراءة التجارب انهيت سنتي الأولى من الجامعه يعني عمري 19 وبالفعل عملت العملية صارلي اسبوع وحمدت ربي اني سويتها شعور جميل لايوصف كأني مولودة من جديد
ماقبل العملية
هذي المرحلة اسميها مرحلة الفحوصات عشان يحددون اتناسبك ولا لا
اهم شيئ قبل ماتفحصين انك ماتكونين لابسة عدسات قبل الفحص باسبوع فاللي ناوية اتسويها اتكون مستعدة
في الريسيبشن بيطلبون منك تفتحي ملف بالمستشفى ما اذكر الرسوم لفتح الملف
قلت لهم ابغي اسوي فحوصات لليزك قيمة الفحوصات 700 ريال بتتجزأ على قسمين
اول شيء مئتين للفحص المبدئي بعدين 500 لفحص القرنية والشبكية
بعدين صاروا يودوني من غرفة لغرفة
الغرفة الأولى كان فحص عادي يمين يسار فوق تحت
الغرفة الثانية عادو نفس الفحص بعدين فحصو عيني بضوء زي الليت وكتبولي قطرة للعين ادوام عليها قبل ما اسوي العملية
الغرفة الثالثة خلوني انظر للجهاز اللي فيه بالون بعدين حطوا قطرة بعيني توسع البؤبؤ وشيئ زي القلم اتقربه من عيني بدون مايلامسها
الغرفة الرابعة وهي الغرفة اللي فيها الدكتور فحص لي قرنيتي وقال العملية اتناسبني واهم شيئ ما أكون متوترة وقت العملية وكتب لي دواء
وحدد لي موعد وكنت فرحانه وخوف بنفس الوقت
سعر العملية اللي يبغى يعرف 7000 لايشمل الفحص
ملاحظة قبل العملية بيوم سوولي إعادة فحص يتأكدوا من مقاس نظري
أثناء العملية
جه الجد وقلت اللي يصير بيصير
رحت المستشفى لبسوني لبس العمليات وحطولي قطرة وانتظرت دوري وجه بطحوني على السرير كان مريح وقتها تبلدت احاسيسي وخليت تركيزي مع الدكتور
العملية كانت جدا جدا سهلة وماتألم
طلب مني اناظر الضوء الأحمر
اللي هو الليزر شميت ريحة شيصان خفيفة بس ماوترت حالي كل شيئ صار بسرعة العملية كلها على بعضها 10 دقايق من تعقيم وبطحة السرير مادريت على نفسي اللي وانا مخلصة
بعد العملية
اتوقعت اني باحس بالم وحرقان وماصار هالشيئ الحمد الله ولا تالمت
اول ماقمت من السرير شفت بس كانت الرؤية ضبابية وذا شيئ طبيعي عطوني 3 قطرات داومت عليهم وقالو اجيهم بكرة ثاني يوم من العملية الرؤية صفت 80 بالمئة
رحت المستشفى وسوولي فحص الاحرف وحزرتهم كلهم لأول مره في حياتي
وكليوم الرؤية تصفى والضباب اختفى الحمد الله والرؤية ممتازة
بكرة عندي موعد يشيكو على عيني
بالنسبة للممنوعات
الماء مايدش العين أسبوع كونت حذرة اثناء الوضوء وغسل الوجه بالنسبة للسجود سجدت عادي
وصى علي اني ما ادعك عيني لمدة شهر
ممنوع الكحل والماسكرا لمدة شهر
ممنوع البخور لمدة شهر
لبس النظارات الشمسية وقت النهار في الطلعة
قالي امارس حياتي بشكل طبيعي من ثاني يوم
وعادي استخدم الجوال
النتيجة
بالنسبة لنتيجة الليزك ممتازة بالنسبة لنظري قبل وبعد فرقت معاي كثير
جدا سعيدة اني سويتها قعدت اختبر نظري عند ابعد نقطة للمباني واشوفها واضح الحمد الله،
الحمد الله على نعمة النظر ان شاء الله استفدتون من التجربة.
من جد النظر نعمه