تجربتي الناجحة مع مستشفى الامارات لازالة اثار الحب من ظهري

السلام عليكم
هذه أول مشاركة لي ، وأنا سجلت خصيصا علشان هذه المشاركة
حابة أقولكم تجربتي مع مستشفى الامارات الدولي في العين لمشكلة اثار الحبوب الي في ظهري
انا الله يسلمكم عندي اثار حب في ظهري و ذراعي من فوق من سنين
و حاولت وايد أتخلص منهم بس ما قدرت
لكن الحمدلله الي سخر لي أروح لهالمستفى
سويت عندهم جلستين تقشير لظهري و الحمدلله راح 50% من اثار الحبوب و ان شاء
الله بكمل
بقولكم كل التفاصيل علشان تكون الأمور واضحة بالنسبة لكم
الجلسة ب 600 درهم لمنطقة الظهر و أعلى الذراعين
بتقولون غالية بقولكم تستاهل و الله تستاهل
و خاصة ان النتيجة الحمدلله مضمونة و سريعة ، يعني جلسة كل أسبوع لمدة شهر
بتفتكين من المشكلة باذن الله طبعا
و انا صراحة أنصح العرايس الي ما يسدهم الوقت و مستعجلين
الخبيرة لبنانية و مساعدتها فلبينة و ثنتينهن روعة
و اللبنانية مسلمة و ثنتينهن طيبات
الجلسة تستغرق ساعتين ، الكريمات طبيعية و تستخدم ملح بحر للتقشير و في الأخير ماسك
و أخيرا : بتقولن أكيد بنتفصخ قدامها
الصراحة أنا استحيت في البداية بس هذا أول شي ، بعدين ارتحت لأن طول الجلسة
تكونين راقدة على بطنج يعني ما يظهر الا ظهرج، طبعا تكونين لابسة بنطلون
بس لازم تفصخين كل شي فوق ، و تكونين مغطية نفسج من قدام بمنشفة لين
ترقدين عالسرير على بطنج .. و بس :)
و الخبيرة تتفهم و تحترم خصوصيتج
و أخيرا فيه وايد أشياء ثانية يسويها المستفى
روحوا و جربوا و يا ريت الي كد مجرب يخبرنا عن تجربته
أخيرا يا ريت يا بنات اذا قررتوا تروحون تقولونللخبيرة اللبنانية اني أنا " أم منصور"
طرشتكم علشان ان شاء الله ان شاء الله تعطيني ديسكاونت :)
هاه، لا تنسون :)
و انا انتظر أسئلتكم