أنا شعري كان لونه حناوي لأن دايم أحط حنه فحنيت للون الغامق فصبغت لون بني غامق يعني صار لون شعري أسود أوكي فا كالعاده بما إني متقلبة المزاج حنيت للون الفاتح وماخليت صالون بالكويت ماإتصلت فيه على فكره أنا كويتيه ( جارتكم ) ولي الشرف طبعا المهم الكل يقول لي مستحيل يفتح لون شعرك إنتظري 6 شهور على الأقل طبعا أنا مافيني صبر فسبحان الله تذكرت إني من سنه تقريبا حصلتلي نفس المشكله فتذكرت صيدليه عندنا يبيعون صبغه بالعسل بدون أمونيا ومعاها أكسجين بالأعشاب لون الأكسجين أبيض - وإسم الصبغه colorissimo natural shades لون الصبغه 6NBG DEEP HONEY BEIGE هذا اللون خذت منه 2 +لون 10C SILVER ASH أخذت واحد وطريقته عصرت الصبغتين كلهم كاملين + عصرت تقريبا 10 مل من اللون 10C SILVER ASH يعني شويه علشان يشيل اللون الأورنج حتى يطلع اللون كستنائي طبيعي
ملاحظه الأكسجين حطيت 3 حجمه صغير وأنا طول شعري للكتف . أتمنى أكون أفدتك وأفدت الأخوات وأرجو من كل وحده حابه تفتح لون شعرها ويفتح اللون تدعيلي بظهر الغيب وجزاكم الله خير
lolo3370 @lolo3370
عضوة نشيطة
يلزم عليك تسجيل الدخول أولًا لكتابة تعليق.
{غلا ..
•
الله يجزاك خير
الصفحة الأخيرة