تجربتي الناجحه لعلاج مويه ماوراء الطبله لبنتي

السلام عليكم ورحمة الله 
انا بصراحه من فرحتي اليوم بشفاء بنتي حابه أفيد كل أم عندها نفس المشكله في أطفالها.وظاهرة انتشار هذي المويه بين الاطفال كثيره لكن بحمدلله توصلت لعلاج لها طبيعي بدون ادويه طبيه ..
في البدايه بقول قصة بنتي بإختصار
من يوم وهي في الأشهر كانت تعاني من إلتهابات متكرره في أذنها وخاصة الاذن اليمنى صديد ينزل منها بكثره ياقلبي عليها😢وفي كل مره نروح فيها لطبيب الاطفال ينظفها ويعطينا قطره وع هذا الحال كل ما ألتهبت أذنها رحنا بها ونفس العلاج إللين ماتطورت حالتها وزاد الالتهاب وصار عندها ضعف في أذنها اليمين وشويه في اذنها اليسار ومويه ورا الطبله ..
راجعنا فيها عدة إستشاريين ومن مضاد لمضاد هلكتها المضادات بدون فايده وفي الأخير قال الدكتور لازم عمليه انابيب في أذنها مافي الا هذا الحل والا راح يروح السمع عندها .أنا هنا صابني هم مايعلمه الا الله ماأبغى أبدا عملية الأذن هذي ..
وعطانا تحويل لمستشفى حكومي ع اساس يحدد موعد العمليه ورحنا وكشف عليها الدكتور قال لازم عمليه المويه ورى الطبله كثيره وعطانا موعد للعمليه 😭
بس برضوا ماني مقتنعه بحكاية العمليه وبس رجعنا قمت اطقطق بالنت وعزمت ما أخرج الا بعلاج طبيعي بأذن الله ..
والحمدلله ربي وفقني لعلاج معجزه سحر بعد إرادة الله . 
وهي وصفة للدكتور أسامه حجازي ربي يوفقه ويجزاه خير وين ماراح..
وهي إنك تأخذين فصوص ثوم وتقطعينها انصاف وتنقعينها في زيت زيتون من الصباح وفي الليل تحطينها في شاش وتربطينه وتدخلينه في إذن الطفل لين الصباح لمده عشره أيام ...
تخيلوا يابنات اليوم رحنا كشفنا عليها وكانت النتيجه بنتي رجع سمعها تمام والمويه راحت 😃وعمليه ماعاد تحتاج ياربي لك الحمد والمنه حتى ترضى😌




ع فكره بنتي عمرها خمس سنوات ربي يحفظها من كل شر ويحفظ لكم اطفالكم يارب 




واي استفسار انا حاضره حبيبات قلبي فديتكم🌹💐