تجربتي الناجحه مع الرجيم والعنايه بجسمي وبشرتي

السلام عليكم


كيفكم يارشيقات


انا مبسوووطه حييل والحمد لله اولا واخرا لان حسيت سويت انجاز لنفسي بعد اهمالها فتره مضت ): وحبيت افيد اخواتي هنا وابي منهم دعوه في ظهر الغيب


انا قد كتبت هنا موضوع لي مع تجربتي مع اخصائية التغذيه


وذكرت انه كان وزني 65 وطولي 165 يعني مثالي لكن بعد ولادتب ببنتي وولدي زاد وزني ووصلت 85 يعني سمنه مفرطه وخرب شكلي دهون متراكمه جربت رجيمات حاده لان كنت ابي انزل هالوزن كله خلال اسبوعين وهذا خطأ والحمدلله تداركت عمري قبل يصير لي شي من هالرجيمات


اللحين مشتركه مع اخصائية تغذيه اول ماشتركت معاها كان وزني 85.6


والان 77 نقصت خلال شهر 9 كيلو تقريبا ولله الحمد حتى زوجي انبسط وقال شكلك تغير وصرتي احلى (: وبشرتي نااعمه وتوحدت بشرتي لونها 50% وخف السلوليت 40% والحمدلله مشدود جسمي باقي فقط منطقة البطن


وسبب صفاء بشرتي ونعومتها


جربت خلطات من اسبوعين لانه طلع لي سيلوليت في بطني وزنودي المهم قلت اتدارك الوضع قبل يزيد فكنت استخدم زيت الزيتون مع زيت الزنجبيل ( كنت اسويه بالبيت ) وادهن المناطق اللي ابيها تخس والف عليها نايلون واسوي رياضتي من مشي وتمارين


بعدها لما استحم استخدم خلطه القهوه التركيه والليمون طبعا عليها خل تفاح خفت من اضراره وماحطيته بالخلطه اكتفيت بالقهوه التركيه والليمون وادعك فيها بشرتي بطني واردافي ووجهي لكن وجهك بشرته حساسه فعامليه كأنه بشرة طفل يعني برقه دلليه هههه


بعدها استحم ولما اطلع ارطب جسمي بخلطة المر وزبدة الكاكاو طبعا يكون جافه بشرتك وانتي تدهني بطنك صلحي مساج واشفطي بطنك وكل جسمك


والاماكن الزايده عندك ادهنيها وسوي لها مساج


هذي الخلطات سوت عجايب وطلعت نتايجها بأسبوعين والله تغيرت بشرتي من نعوومه وتوحيد لون و نظاره على شد جسمي


طبعا مع نظام غذائي صحي ومشي حاولي تمشين قد ماتقدرين والتمارين مهمه لشد الجسم ع الاقل ربع ساعه يوميا


والمويه لترين يوميا


واشرب يوميا ع الريق كوب مغلي البقدونس لانه مفيد للكبد وينقي الجسم من السمووم




وحبيت تستفيدو وتجربو واتمنى انكم استفدتم وابي دعوه منكم ان ربي يوفقني ويحقق امنياتي عقبال اوصل لوزني المثالي بصحه وعافيه