السلام عليكم ورحمة الله وبركاته
قريت من الاخوات هنا في المنتدى ان الكركم يساعد على نزول الوزن
فتوكلت على الله وبديت اشربه ملعقه صغيره على كاس ماء مغلي وبعدمايدفى شوي اشربه مره على الريق
ومره قبل النوم
والحمدلله خلال شهر نحفت اربع كيلو مع العلم ان وزني 79كيلو وطولي 159وعمري 37سنه يعني بعد هالعمر نزول الوزن مره صعب بسبب العمر واحتمال استخدام ادويه انا استخدم ادوية حساسية الصدر بخاخ ويسمن لان فيه نسبة كورتيزون وحبوب المنع للحمل واتبعت معاه نظام اكل راح اقولكم طريقته
الفطور بيضتين مسلوقين او احركهم بالمقلاة من غير زيت وملح وشرائح خيارتين وربع رغيف بر او توست حبه واحده وملعقه صغيره جبنة فيلادلفيا لايت
والغداء اخذمن الرز خمس ملاعق رز وسلطه الكميه اللي اقدر اكلها من كل الانواع
او صدر الدجاجه من غير الجناح مشوي بالفرن او على الشوايه مع سلطه
او سمك مشوي من المطعم صغيره مع السلطه
او نصف علبة فول مدمس اسخنه واتبله بالليمون والبقدونس المفروم مع خس امريكي او جرجير
او علبةتونه بالماء والملح شركة قودي مع خس وخيار
والعصر حبة فاكهه اي نوع خصوصا التفاح
والعشاء احيانا مثل الفطور او الغداء
واحيانا اذا على الغداء محاشي او كبه وسمبوسه عن نفسي اخذ حبتين
واخذ علبة زبادي يوميا
واذا حسيت اني مشتاقه للحلى اخذ ثلاث حبات تمر اذا اشتقت للموالح احطلي بصحن صغير زعتر محوج واكله بملعقه صغيره
خبصت احيانا اذا جعت اكل كيس اندومي مع بصل اخضر اغليهم مع بعض وشوي خل اسود بعد مااطفي النار موكثير يمكن خلال هذي الفتره فقط ثلاث مرات
طبعا لما اكون معزومه اكل مع الناس لكن اكثر من السلطات
اشرب بابونج او مراميه مع شاي مع ملعقه صغيره سكر وشربت كذا مره بيره ومرتين اكلت لوز ني ملئ قبضة اليد
ملاحظاتي بعد هالنظام الربو او حساسية الصدر خف بطريقه عجيبه وصداع المصاحب للدوره خف والاخراج جدا
طبيعي وصدري مره صغر حتى اني رجعت البس ستيانات قديمه عندي
والان وزني مع ان الدوره الشهريه موجوده 75كيلو يعني الحمدلله نزلت اربع كيلو واللي يعانون من صعوبة النزول راح يفهمون علي ويقدرون فرحتي وحسيت نزولي اكثر بالقياسات اوضح من الميزان وهذا المهم
وانا مااصلح رياضه وعندي خادمه بالبيت تشتغل عني لكنها بتروح خلال فتره قريبه فاراح اكرف كرف ان شاء الله انحف بخير وعافيه انا وجميع المسلمات
حبيت اضع تجربتي مع الكركم والثقافه الغذائيه بالتخفيف ليستفيد احدما منها
يلزم عليك تسجيل الدخول أولًا لكتابة تعليق.
مبرو ك النزل بس اي كركم تستخدمينمبرو ك النزل بس اي كركم تستخدمين
الله يبارك فيك الكركم المطحون حق الاكل جبته من بقاله اندونيسيه وشفته عن العطار طلع نفسه اللي نستخدمه مع الطبخ
حلونه
•
الف مبروك نزول وزنك بس اتوقع من نظامك كان دايت و اكيد كنت من قبل تاكلين و صرتي في هالشهر تخففين
الصفحة الأخيرة
مشكورة على ذكر التجربة