السلام عليكم ورحمة الله وبركاته
كيف حالكن ياأخواتي
والله اني اكتب وانا ميته من الحزن :44:
واحسني ضايعه وحيدة بهالدنيا
اعذرني على تشتت كلماتي والله وثم والله ماني قادرة اكتب ولاني قادرة اعبر عن اللي بداخلي
قصتي هي اني متزوجه لي 14سنه:icon33:
واكتشفنا انا وزوجي ان فية ضعف بعد سنه ونص من زواجنا
المهم كان فيه نسبه بالحيوانات المنويه وعمل زوجي دوالي ولم يحصل حمل
ومرت السنين ولجأنا لاطفال الانابيب وكانت سريه بيني وبينه وعملت اول تجربه بالاردن وكانت فاشله
((طبعا ماقلتلكم اني لي ضرة )) ولاقالها زوجي لانها تقول انا مابي سبب علاشان اتعالج وصارت بينها وبين زوجها
مشاكل هي الله يهديها عصبيه المهم بعد تجربتي الاولى زعلت زوجته ان حنا عملنا انابيب ولا قلنالها
طبعا حنا يوم سوينا اول تجربه كنا مانعرف اي شي عن العلاج واعتقدنا ان اللي يسوي انابيب خلاص يكون حامل
فانتشر الخبر اني تعالجت وحامل وهذا اثناء انتظار النتيجه لان خلاص الحين الخبر انتشر المهم واعد زوجته الثانيه
الشهر الثاني يعمللها انابيب وانا لسى مافحصت وتفشل العملية وياخذ زوجته الثانية الشهر اللي بعدة وتعمل ط
طفل انبوب وتنجح معها وتجيب بنوته ماشاء الله تبارك الله ربي يحفظها حياتي
((لان زوجي الى الان عندة حيوانات ويطلع العينه عن طريق القذف بدون عمليه لان كل الناس اللي بديرتنا
ونعرفهم يعمللهم عمليه ويأخذ عن طريق الخزعة المهم ويسويلي انابيب بعدها تقريبا 7مرات وكلها تفشل
مع العلم ان كل مااسوي تجربه يلقون حيوانات واطلع بويضات ويتم الانقسام ويرجعون اجنه درجه اولى
بس سبحان الله ماتنغرس بجدار الرحم
وتسوي زوجته مرة ثانيه وكمان تفشل وكلها كانت بعمان
عند مستشفى الامل ولويس والكيلاني
المهم ونسمع عن مستشفى الحبيب بالرياض ونروح له ونقابل الدكتور محمد بقنه
ونبدأ كورس العلاج عندة ويعطيني ابرقويه علشان اطلع بويضات كثيرة وتحملنا عناء السفر والمصاريف
ونروح له بعد ماخلصت الابر وشافلي البويضات قال ماشاء الله بويضاتك كويسة ويعطيني الابرة التفجيريه
ونجي اليوم لعملية السحب ونجي اول المراجعين تقريبا 6الاربع ويطلبون من زوجي عينه ونطلع لهم
ونعمل لهم عينه ثانية ومالقوبيها حيوانات ويعملولوه خزعة بالخصيه ولايلقون شي وبالخصية الثانية
ولايلقوشي وتكنسل العملية وقال الدكتور محمدلزوجي مالك علاااااااااااج
وانتظر الى مايتطور الطب
وفية حل ثاني انك تروح لدكتور مسالك ويعملك تفتيش بالخصية وهذي عبارة عن عملية مدتها ساعتين يفتشون
لك عن حيوانات
قولن لي يابنات وش اسوي مون صار لها مثل حالتي
لان زوجي كان عندة حيوانات بس اختفن :icon33:
والله اني ميته من الحزن واحس اني مالي هدف انا احب زوجي واموت به بس الحياه بدون اطفال لاتطاق
مع العلم ان الوالد يحن علي بالطلعه والنازله ويجرحني بالكلام وحتى يوم امسك اعيال اخواني واخواتي يجرحني
وخلاني اكرة اجي بيت اهلي مع العلم ان امي متوفيه وانا اكبراخواتي واخواتي تزوجن كلهن واخواني كلآ لاهي
بزوجته وزوجي ملتزم وامام مسجد وعادل بيني وبين ضرتي ويخاف الله بينا
بس ماادري وش اسوي هل اطلب من المسؤلين يسفرونا للخارج
قولن لي وش اسوي وزودآ على هذا بطني احس ودها تنفجر لان البويضات ماسحبن :44::icon33::44::icon33:

خالت رموسه @khalt_rmosh
عضوة نشيطة
يلزم عليك تسجيل الدخول أولًا لكتابة تعليق.


طيرشلوى5599 :
وانا زوجى نفس الشى وماعندنا اطفال وسويناخزعة وماحصلوا شىوانا زوجى نفس الشى وماعندنا اطفال وسويناخزعة وماحصلوا شى
حبيبتي لاتتضايقين وكل شي مقدر ومكتوب
المفروض زوجك يكون مستمر على فيتامينات ومقويات علشان تطلع معاكم حيوانات
خليه يراجع دكتور ذكورة وعقم ويوصف له فيتامينات وان شاءالله خير
المفروض زوجك يكون مستمر على فيتامينات ومقويات علشان تطلع معاكم حيوانات
خليه يراجع دكتور ذكورة وعقم ويوصف له فيتامينات وان شاءالله خير


توتوالامورة :
ياقلبي انتي الله يرزقك والله قادر على ذلكياقلبي انتي الله يرزقك والله قادر على ذلك
طيب ليش ماعملو له تفتيش يمكن يلقون بإذن الله
حرام انتي عندك بويضات وماتكملو العمليه
زوجي كان يوم السحب مافيه ولا حيوان وسووا خزعه ومالقو وبعدين سوو عملية تفتيش والحمدلله لقوا وجمدوا
خلاص
المحاوله الجايه لاتسووها الا بعد ماياخذوا عينات من خصية زوجك بالتفتيش المجهري ويجمدوها ثم تبداي انتي بالمنشطات والله يسهل عليك ويرزقك من فضله
لاتنسي الاستغفاااار
حرام انتي عندك بويضات وماتكملو العمليه
زوجي كان يوم السحب مافيه ولا حيوان وسووا خزعه ومالقو وبعدين سوو عملية تفتيش والحمدلله لقوا وجمدوا
خلاص
المحاوله الجايه لاتسووها الا بعد ماياخذوا عينات من خصية زوجك بالتفتيش المجهري ويجمدوها ثم تبداي انتي بالمنشطات والله يسهل عليك ويرزقك من فضله
لاتنسي الاستغفاااار
الصفحة الأخيرة
استغفر الله الذي لا إله إلا هو الحي القيوم وأتوب إليه