تجربتي انا

الهدف من طرح قصتي يلي حابه تدخل في بيتها حد غريييب ..
لازم تفكرييين ملييون تفكيير ..
الغريب غريب الطباع والاسلوب والفهم العادات والتقاليد والتفكيرر وكل شي ..


انا كنت محتاحه مساعدة تساعدني في شغل البيت
خصوصا كنت ناقلة جديد وحامل و ظروفي الله اعلم فيها ..
عشان ما تجي وحده وتقولي اني جبتها فشخرة وكذا ..


المهم اتصلنا في مكتب قال ان يوم الخميس راح يوصلن مساعدات زيارة وشوفي يلي يناسبكم .. قلنا طيب ..
رحنا ع يوم الاحد و جبناها ع البيت وقلت لها ع نظام وكذا و بالباكر سألتها اذا عاجبك الوضع او لا قالت ايه .


خلال فتره ثلاث شهور وحده كنها زين .. كل شي مجاب .. وريحتني ..
بعدها اسألتها اذا تبيين خلاص الشغل الان راح نسجلها بالاسم ..
قلت حبيت الشغل معكم ..
نحن فرحنا ..
بعدها بخمس شهور تغيرت
صارت عليها حركات مريبه..


صارت تتطلع ونظرات حقودة مالها نفس تشتغل شي وراها شي عندها ..
تهتم برجال اكثر من الحريم ..


مثال مره طلعت من غرفة النوم وسرت على غرفة اطفالي ..
حسيت نظراتها لي حقد حقد وفيها شي
راحت وطلعت برع
سرت انا وراها وقاعدة اكلمها وهي تدق بصحون بقوة يقال انها تغسل
اكلمها وتعطيني ظهرها
وتكلمي بطرف خشمها وقلت ويش في عسى خير انتي تعبانه فيكي شي
تقول بصوت حسود لا ما فيني شي بصوت نبره حاده
قلت لها كلميني عدل انا كلمت بأدب و لفي وجهك علي ليش تكلميني معطتني ظهرها قامت تزبد وتنافخ ..


رحت ل زوجي معصبه كان صباح بدري
قام من نوم ويش بلاش
قوله الشغالة ما تحترمني ولا شي


راح نادها وجت ركيض
لما سألها تقوله انا ما قلت لها شي مدام تكذب ..🤨
شكلها عادي ولا كنها سوت شي فرحانه ان زوجي زفها
بدت عليها علامات الرضى والشغل مضبوط انا عجزت افهمها 🤕😦 توها من شوي بتموت الحين وجهها يشق فرحه ..
يع عرفتوا تفكيرها صح ما يحتاج ابرر انا صاحبه البيت ما ستغبيت انا عارفتها :.


المهم وايد احداث و مواقف تدل على انها مهي مضبوطة خالص ذي منتهيه ..


المهم ذيك الليله قبل لا تسافر بيومين
كنا بنطلع وسمعتنا وكنا ذاك اليوم اسعد زوجييين وزوجي كان رايق
كانت تتسوخ علينا رحت لها برجولي انتبهوا ما ناديتها عشان ما تدخل داخل الصالة ..
كلمتها بكل هدوء قلت انا طالعه الحين بغاك ترتبي الصالة شوي ..
عشان بكره ما ابغاك ترتبيها الصبح .. شفتوا انا كيف .. ابغاها ترتاح ..
يعني بكره ما عندها ولا شي غير الغسيل ..
قامت تناظرني بنظرات اعوذ بالله خفت منها و معصبه مووووت مووووت
ما كان عندها شي من الصبح جالسه
شغل عادي ولا احد ازعحها واطفالي معي ما طلعوا ولا يطلعوا الا انا معاهم ..


قول لها ويش في ليش معصبه ما حد قالك شي .. تتكلم بصوت مسموع ما ادري ويش تقول .. وتدخل داخل غرفتها وتسكر الباب انا واقفه مصدومة منها .. رحت قلت لزوجي يوم واحد ما تبات معي ..
خلال هاليومين اشتغلت انا وهي يالسه تاكل الشبس ع سريرها وتشوفني اغسل واطبخ و اقص و انشف ولا حركت ساكن .. كنها تتفرج ع فلم ..
وقت السفر سوت لي حركات و قالت كلام و قلت ادبها وبانت ع حقيقتها ..


يلي تبا مساعدة تشد عليها ما ينفع معاهم الدلع
انا عطيتها كل شي ما كانت تحلم فيه
مثل نظام الفنادق
كنت اريحها
واشتري لها
مثل اكلي بالظبط اذا طلبت شي ما خذ عنهاا فلوس ع طول يوصلها بنفس اليوم ..لاكن الله فوق ..


انا الحين من دون شغالة حاسه ببركة البيت و سعادة لا توصف


شي الوحيد اني انا كنت كثيرة النوم ما اشبع نوم ابد ابد كنت مستغربة من نفسي


انا الحين انسانه ثانيه .. صرت اقوم بدري ولا انام حتى القيلولة .. ما شاء الله تبارك الله ..