يامن شرا له هم من غير قصد
الله يعينك

أولا يا أختي أنا ما أبي أتفلسف لكن أبي أنصحك هالحين تتريقين على خلقتها ليش هي إلي خلقت نفسها ؟!!
مايجوز يختي تكسبين إثم بهالطريقه ..
ثانيا الكينيات معروف إنه لغتهم الإنجليزيه والشئ الثاني إلي لازم تعرفينه وبقولك عنه لإنه عندي كينيه الأفارقه يا أختي
يختلفون عن الأسيويين ولي بيعرفهم زين بيقدر يتعامل معهم وبيمشون معه مثل الحلاوه ..
مايحبون المنافخ ورفع الصوت والعصبيه ويحبون تتعاملين معهم بإحترام وهم مزاجيين وهالشئ معروف عنهم تجيك فلحظه مطنقره
ومتنرفزه وبلحظه تتغير ولا كأنه فيها شئ هذا طبع الأفارقه ..
أنتي من البدايه تتفاهمين معها وإذا ماعندك لغه خلي زوجك أو أختك توضح لها شروطك
مثلا متى تصحى ومتى تنام ومتى تنظف والمكالمات عطيتيها جوال قولي لها الجوال من حسابك وحتى بطاقات الشحن وأشرحو لها كيف تستخدمها .. والنظافه الشخصيه وفرو لها الصابون والشامبو ومزيل العرق والفازلين من حسابكم لإن نظافتها من مصلحتكم وأنا مسويه مع إلي عندي كذا ..
وبعدين يا إختي وش فيها لو تكلمت مع زوجك يمكن هو يفهم عليها أو عنده لغه وتراهم هالجنس فحالهم ماعندهم الخرابيط
ألي عند الأسيويات من ناحية الرجال .. هي أكيد إنصدمت من إسلوبك معها يوم تقولين لها لاتتكلمين مع الرجال .. أنا ألي عندي تجي لزوجي وتكلمه بخصوص أي شئ ماتعرفه أو إذا بتستفسر عن شئ أو بترسل راتبها ماشوف فيها شئ..
أنتي تحسبينهم مثل الحبوش تراهم ارقى ولاعندهم خربطه ..
ومن ناحية الترتيب والتنظيف لاتنشدين الكمال ماجايك أحد كامل إذا ماراح تفوتين وتبين تدققين بالطالعه والنازله بتتعبين ..
ألي عندي تسوي الأشياء الأساسيه وكثر خيرها يجي يوم ماتمسح الطاولات ويجي يوم ماتكنس بس ما أجلس أتهاوش معها
عند كل تقصير .. كل الخدم من أي جنسيه ماراح يجون على الكيف .. وأنا أنصحك إذا ماتبينها وديها المكتب أفضل من إنها
تقفل معها يوم ويحصل شئ مايسر ترى الأفارقه لا عصبو وأنفجرو مايشوفون وإذا لقو الإحترام والتقدير وإن الواحد يفوت مشو زي الحلاوه .. وانتي براحتك أنا حبيت أفيدك عنهم يمكن تستفيدين ..

مقصرتو اخواتي على الردود وجزاكم الله خير وبنسبه للاخت الي تقول انك تتكلمي عن شكلهم ياقلبي انا ماسخرت ولا قلت شي
قلت عن شكلهم وانا صادقه بنسبه للاخت الي تقول خليها تكلم زوجك عايدى سلامات هذا من قل الاحترام تتركني وتروح تكلم زوجي وانا مامليت عينها وبعدين ماجتمع رجل وامراه الا كان الشيطان ثالثهما الشيطان يزينها بعينه حتي لوكانت سوداء عبده
اجل وشلون كثرة الخيانات الزوجيه الا من كذا مو معنها اني اغفل واخليها تهرج معه وتاخذا رحتها
انا امنت لها كل شي حتى صوتى ما ارفعه حرام علي احترمها مو معنا انها خادمه اني اهينه لا يالغاليه
والله يستر علي الجميع
بنسبه للاخت الي تسال عن سعر التقديم

8الاف ورتبه 800 من مكتب الحنيه بالرياض وجلست تقريب 3 شهور

الكلمة الطيبة صدقة فلنحاسب على الفاظنا

لا تكون شغاله اهل زوجي جات عندكم
هذا ياطويله العمر المثقفات واللي شاطرات في الانجليزي يجون يبون يجلسون بسس
يبون يكونون بيبي ستر بسس
يعني بس تداري الاطفال
مو جايين للكرف
لكن اذا جاتك من قريه فقيره تجيك تبي تشتغل وماتبي الا الراتب
اما اللي جات عند اهل زوجي اعمامي عله من علل الدنيا
تخيلي الاخت تقول جايه تتعرف على السعوديه وعلى الثقافه وانها جايه بيبي ستر
مو للشغل مع الجز <<<تقصد ام زوجي هههههه
المهم قالوا لها اعتبريها بيبي ستر اخدميها وبسس
قالت طيب بشرط اطلع معها واسير معها جلسست اضحك تخيلتها مع عمتي طالعه نازله
والا تبي تروح للحدائق وتبي تشوف معالم مدينه الرياض
قلنا لا يكثر بسس
وصارت تضرب عن الشغل ولا تبي تروح المكتب تقول يهددونها يدخلونها السجن فترجع غصب يبون المكتب يخوفونها قبل تنتهي مده ارجاعها عليهم
ونصير ندفع
المهم علمتنا بمكيدة المكتب ونرجعها وبالقوه رجعوها وبعد 4 شهور لما راحت فيجي <<قاولت لنا على شغاله من قريه وشرحت لها عن اهل زوجي وجابت لنا وحده تفصيل
ما تبي غير تاكل وتشتغل
وكانت مسيحيه واسلمت من فضل الله
والحمد لله حاليا مرتاحين اهل زوجي معاها الله يتمم عليهم بها ويسخرها لعمتي