السلام عليكم ورحمة الله وبركاته
مبارك عليكم العشر الاوآخر الله يتقبل منا ومن المسلمين صالح الأعمال
كنت من بداية الشهر الكريم متكاسله انزل الموضوع وانشفلت كثير واليوم قررت اكتب قصتي مع الأرضه
مابطول عليكم ..
الحمد لله عندنا شقه مستقله للضيوف في الطابق الأرضي
المهم يابنات قبل شهر تقريبا انتشرت الارضه في الصاله والمجلس حتى على كنبة الصاله طالعه وانا اكافح فيها بالريد ولا ينفع تختفي يوم وترجع من بكره تعبت وطفشت منها .. ماهليت شيء ماسويته ريد وخل ابيض مانفع شيء .. وبعدين جاتني فكره » الحاجه ام الاختراع
قلت خليني بعد ما اشيلها من مكانها امسح بنفس المكان عطر عود اسمه العود المبخر ريحته جنان استخسرت اضيعه على الارضه بس قلت يارب ينفع ومنها يعطي ريحه حلوه للبيت ونفذت وحطيت على مكان ماتطلع العطر واسمي بالرحمن وأقرأ الفاتحه
النتيجه يارب لك الحمد اختفت من المكان الى اليوم ماشفتها بنفس المكان صح تطلع بمكان ثاني بعيد عن الاول بس ماعليكم انا وراها واكافحها والحمدلله كل مكان اعطره ماتطلع فيه ابد
حبيت افيدكم بتجربتي وان شاء الله تستفيدون منها
ويارب يكفينا شر الحشرات جميعها ويبعدها عنا
اللي تقرأ موضوعي وتستفيد لاتنساني بدعوه خالصه بظهر الغيب ولها بالمثل
والله يابنات فرغت وقتي وقلت خليني انزل الموضوع
لأحلى حوائيات فديتهم :)
يلزم عليك تسجيل الدخول أولًا لكتابة تعليق.
الصفحة الأخيرة
وحده تشكي من غرفه لها فيها الارضه اللي لونها ابيض وحجمها كبير وشغلها الشاغل تاكل الخشب
بذكر لها تجربتك ويارب تنفع
جزاك الله خير